影片
港铁佐敦站 D 出口, 步行约4分钟
继续阅读
电话号码
53313978
开饭介绍
【暗夜艺术主题】光影下品尝高级铁板烧
以「夜」为主题的创意日本铁板烧餐厅，店内巧妙运用灯光打造阴影效果。夜。铁板烧团队平均超过20年经验，擅长创作精致菜品，配合自家设计色彩丰富酱汁，带出活海鲜、和牛等高质食材的原始鲜味。食客于席前欣赏手艺，打造与别不同的用餐体验。必食「夜特级海鲜船」集合多款日本海鲜、和牛等铁板烧高级食材。必试「和牛．备长炭火烧」即场做出烟熏效果，配合喜玛拉雅山岩盐，原始油香肉味令你一试难忘。店内设4间VIP房极具隐私度，最多可容纳30人，适合派对庆祝、聚会和商务会议。
继续阅读
营业时间
今日营业
11:45 - 23:00
星期一至日
11:45 - 23:00
公众假期
11:45 - 23:00
公众假期前夕
11:45 - 23:00
以上资料只供参考，请与餐厅确认详情
有关餐厅
有关奖赏计划
相关文章
前前后后喺香港都食过唔少铁板烧，但最近喺 YORU食到嘅铁板烧，暂时系我心目中嘅第一名💯每道菜都惊艳到我！❣️极上 厨师料理 二人前 $2988套餐包括：季节前菜、特上刺身、南非活鲍鱼、日本野菜盛合 四点、创意炒饭、龙虾汤同日本水果私心推荐✨西澳活龙虾：真系我食过最鲜甜，爽弹，紧致嘅龙虾！特别系佢哋嘅酱汁，甜甜哋，摆盘又精致，系一碟食得嘅艺术品👍🏻✨ 铁板三重县 大蛤清汤：用日本隔热纸包住，可以抵受300度高温～大蛤入面嘅肉超大粒，一粒沙都冇，但我最钟意都系佢啖汤，真系好鲜好甜✨米芝莲级 甘鲷立鳞烧：其实我本身真系麻麻哋鱼，因为怕好腥，更加唔好话食鱼皮。但系呢道菜，佢将鱼鳞煎到脆卜卜，口感脆到好似食紧薯片，鱼肉鲜滑，配埋特制嘅番茄酸豆酱💯💯正✨匈牙利 鹅肝汉堡：建议要一啖食晒，千祈唔好分开两次食！鹅肝好肥美，一啲异味都冇，面层嘅汉堡脆卜卜，好食✨宫崎 A5 和牛肉眼 备长炭火烧：用备长炭加少少焙茶叶一齐去处理，食落带少少烟熏味；牛肉油脂满满，可以配埋蒜片或者Wasabi一齐食～嚟紧佢哋即将迎嚟开业三周年🎉，7月中会改装其中两间房变多功能房，到时会加入好多唔同嘅配套，仲可以举办私人派对、商务会议、甚至有大型投影幕！✨更新期间所有菜单都会有7折优惠，呢度好适合节日/纪念日/生日庆祝！大家记得把握优惠期去试吓啦😋
继续阅读
上两星期错过咗情人节餐，适逢香港餐厅周（二月尾至到三月尾），所以今次吃dinningCity menu. 法师傅认得我哋，问我哋想唔想试新菜式， 最后我哋把帆立贝改咗做蚬汤（师傅话情人节餐就系有呢一个头盘），美国西冷牛转了羊, 另外upgrade食龙虾。铁板烧每一道菜都好有水准，想赞吓𠮶个前菜鱼生(好少铁板烧餐有咁正嘅鱼生），同埋个甜品（柑，连皮吃真的不错😋）用汇丰信用卡签单，每位$1180（龙虾upgrade要加$200），超值好味🙌
继续阅读
个客服九唔搭八，明明已经打电话confirm咗Booking WhatsApp问佢两句有冇折扣，佢又问book咗枱未！ 九唔搭八。跟住问佢晚市系咪有折扣？我话我有个朋友生日 问佢有冇生日甜品 佢话冇呢啲嘢…OpenRice 明明写住特惠 佢话五点至七点先至有折扣 特惠嘅意思系泊车免费🤣 好彩打电话去问一问去到先发现冇折 仲嬲！餐饮业最忌就系客服嘅态度
继续阅读
好耐无食铁板烧，就谂住上网揾间试下，见呢间多好评就试一试。珍宝车海老 - 调味略嫌唔够，但胜在车海老新鲜爽弹鲜甜。帆立贝 - 火候控制十分好，肉质鲜嫩，配合汤头调味更带出帆立贝的鲜味。宫崎和牛 - 牛味浓郁，熟度三成啱啱好，份量相比起其他铁板烧比较多。鹿儿岛豚眼肉 - 肉质软腍，无猪臊味，相比和牛有惊喜。和牛炒饭 - 因为食咗和牛同豚眼肉，再食和牛炒饭相对比较腻，如果改为樱花虾炒饭会比较好。套餐仲包括面豉汤、前菜沙律，炒杂菜同雪葩甜品，份量足够，质素唔错
继续阅读
由于朋友生日想食一啲铁板烧，上网揾到好多类似嘅餐厅，但见到呢一间系OpenRice好多人save，咁啱又有discount所以就决定试吓，本身都好担心惊好多食评都系伏，点知发现呢间餐厅嘅菜式真系超水准，平时冇乜喺openrice留comment，不过今次真系想帮呢间餐厅留返个正评，好味到今日已经不停介绍比朋友琴晚食嘅菜式系极尚二人前，龙虾鲍鱼带子呢啲虽然系必有嘅菜式，但系师傅整得好好食，唔单止食材新鲜，特别之处一定系Sauce嘅调味，全部都好特别好好味。最惊艳嘅系立鳞烧！！本身唔食鱼皮嘅我一入口真系哗出声，松脆嘅皮加软熟鱼肉配合特制嘅蕃茄黑松露汁，真系一试难忘🥹（（不过个人最钟意嘅都系清酒汤底+帆立贝，汤底超甜，超好味带子都好鲜甜好好味，已经谂唔到有咩形容词😂海鲜部分完结后就系和牛同埋鹅肝，份量刚好唔会好”溜”~ 可能食到最尾炒饭，同埋炒菜嘅时候已经好饱，所以饭同菜对比下就冇乜特别。全程师傅都有介绍返每道菜式嘅特别之处，好nice好体贴咁照顾我哋食嘢进度同埋有乜食有乜唔食。最后因为是持有通知系朋友生日，所以餐厅喺甜品上都着写上Happy Birthday为朋友庆祝。当甜品拎上嚟时仲有音乐伴奏😂整餐饭体验好好，环境好好师傅同其他职员好好，食物都好好，我哋两个女仔都食得好开心下次有庆祝嘅日子一定会再嚟
继续阅读