影片
更多
2016-04-17
914 浏览
新界區要數寿司強店，相信無人會唔識鮨文，年輕師傅仔對寿司果種熱誠同埋尊注，當你坐過喺佢面前嘆佢手上嘅寿司就必然感受得到。晚巿餐牌只有四個選擇，均為omakase（廚師發辦）套餐。600-800元的只適合淺嘗，要食飽最好揀1000或以上嘅選擇。前菜較為簡，時令食品，今次係青瓜海蜤。然後就到茶碗蒸，配上一點點黑松露，蛋香滑，材料充足，有雞，白果，冬菇等。刺身一：鰻魚（BB），師傅話當冷麵咁食仲可以飲埋啲湯汁添。食落唔會有明顯魚味，但嗒落就覺得自己好似食緊魚麵咁，有啲海鮮味，口感少少彈牙，加埋少少紫蘇花嘅香味，非常咁特別。刺身二：平政，師傅話係油甘類嘅魚嚟，食落的確有少少油甘魚嘅感覺，如果有喺日本試過當地嘅鰤魚會更加明白有幾似，口感比油甘結實，魚味就好相似。刺身三：真蠔，又係時令食材，新鮮即開，但幾乎完全無海水味，甜到有啲似帆立貝嘅味道，尤其係果粒肌肉位，配埋少少酸汁、葱花同埋蘿蔔蓉，超好味。刺身四：帆立貝，帆立貝喺香港實在食得太多，分別只有新鮮，同無咁新鮮，呢個一食就知好新鮮，口感就最清楚不過，爽口唔係一味軟唸唸，呢啲帆立貝喺香港唔易食得到。寿司一：左口魚，口感帶爽有魚味清且有微微油香，作
晚巿餐牌只有四個選擇，均為omakase（廚師發辦）套餐。600-800元的只適合淺嘗，要食飽最好揀1000或以上嘅選擇。
前菜較為簡，時令食品，今次係青瓜海蜤。
然後就到茶碗蒸，配上一點點黑松露，蛋香滑，材料充足，有雞，白果，冬菇等。
刺身一：鰻魚（BB），師傅話當冷麵咁食仲可以飲埋啲湯汁添。食落唔會有明顯魚味，但嗒落就覺得自己好似食緊魚麵咁，有啲海鮮味，口感少少彈牙，加埋少少紫蘇花嘅香味，非常咁特別。
刺身二：平政，師傅話係油甘類嘅魚嚟，食落的確有少少油甘魚嘅感覺，如果有喺日本試過當地嘅鰤魚會更加明白有幾似，口感比油甘結實，魚味就好相似。
刺身三：真蠔，又係時令食材，新鮮即開，但幾乎完全無海水味，甜到有啲似帆立貝嘅味道，尤其係果粒肌肉位，配埋少少酸汁、葱花同埋蘿蔔蓉，超好味。
刺身四：帆立貝，帆立貝喺香港實在食得太多，分別只有新鮮，同無咁新鮮，呢個一食就知好新鮮，口感就最清楚不過，爽口唔係一味軟唸唸，呢啲帆立貝喺香港唔易食得到。
寿司一：左口魚，口感帶爽有魚味清且有微微油香，作為開端一流。
寿司二：春子鯛，魚肉比較結實，同時魚味都比較重，越𡁻就越出味同埋會有油香，魚皮輕輕𠝹左幾刀有助減低鯛魚皮比較硬嘅問題。
寿司三：大拖羅，其實有少少不解點解咁早出大拖羅？同樣係輕輕𠝹左幾刀，但今次係為左斷開啲筋，大拖羅最靚嘅部份好易有筋，呢個係最好嘅解決方法，咩叫入口即溶？試完咪知囉。
寿司四：小肌，香港唔易食到，就算食到都好多人當佢垃圾，其實江戶前寿司，小肌呢類係相當之重要嘅角色，小魚用醋漬嘅方式處理，做法煩複。食落會有淡淡嘅醋香味，論好味，佢唔算得上，但論風味，佢算得上係一等一日本嘅味道。
寿司五，六：金目鯛，三文魚籽，金目鯛，自我第一次去過築地巿場就愛上左，油香，魚肉口感均為完美配合，要嘗到金目鯛最好效果，一定要係搽上醬油，而唔係醮，醬油輕輕咁滲入魚度先係最有效帶出金目鯛最好嘅味道。三文魚籽又係不得不讚，每一粒都係香甜帶有醬油清香，而唔係鹹、鹹同埋鹹。
寿司七：北海道馬糞海膽，鮮橙色令你難以忘記佢。堆到滿滿的，香甜之外都係香甜。
寿司八：北海道白海膽，我見識少，馬糞同紫海膽都聽得多，白海膽真係未聽過，眼見師傅攞呢板海膽出嚟，我真係無言，咁大瓣嘅日本海膽我真係未見過。聽師傅講呢板野佢入貨都要兩千，喺築地巿場仲要投先投到返嚟。入口先係感受到果種原件海膽嘅結實口感，然後係海膽清甜味，最後食落會慢慢滲出比馬糞更濃郁嘅海膽味，未食過呢款真係唔好講話自己熱愛海膽！
卷物：碎拖羅卷，睇住師傅之前開一大件大拖羅而用唔夠大做唔到寿司刺身嘅位置嚟刴，正完新鮮嘅拖羅蓉，亦係最嘅部位。同樣係入口即蓉，留有少少筋有少少咬口。
最後追加：火炙左口魚邊，其中一個我最愛嘅寿司，非常厚肉，口感爽而帶少彈，燒過充滿爆炸性嘅油香。
最後之日本蜜瓜作結，香甜可口。坐師傅枱食廚師發辦係一㮔享受，同師傅溝通，分享飲食心得，感受師傅對寿司嘅熱情。
記得呢度食寿司係唔需要醮醬油，師傅已經搽晒喺寿司上面。同埋師傅一般都希望客人用手食，感受正完江戶前寿司嘅風味，其實都幾過癮架。
刺身前師傅會供應一啲用嚟清潔口腔既配菜，山芋（淮山）同酸薑。
张贴
