番本日式放題 (已結業)

番工總有受氣嘅時候，條氣唔順唯有食餐好對自己好D！今日一放工就約左哥哥嚟到旺角番本食放題！去到7:30，店外已經有人排隊，一個人$218加一，價錢可以接受！行入餐廳已經人頭湧湧，平日黎講算好熱鬧！侍應帶我們走進餐廳，坐低後揭揭餐牌，發現呢度嘅嘢食種類非常豐富，最特別嘅地方莫過於迷你蒸氣火鍋！呢度只係其中一部份嘅點菜紙，可見種類數目，的確是不能忽視！剔完點菜紙之後就可以出去拎野飲，我揀咗韓國嘅蘆薈汁！過多一陣，嘢食開始送到先有牛油粟米同燒生蠔！粟米粒粒都充滿牛油香味；燒生蠔內有少許沙律醬，入口微燶。之後係天婦羅系列。我地嗌左番薯、虎蝦同海鰻。各款嘅天婦羅炸漿都唔係好厚，當中我最鍾意嘅就係糖心番薯，除咗貪佢細細粒之外，佢個芯真係好甜！一啖一粒！之後就係每次放題必食嘅刺身！呢一間放題其中一個賣點就係有象拔蚌任食！都真係比較少見嘅！除咗象拔蚌之外，仲有我最鍾意食嘅赤貝，非常鮮甜！之後仲嗌左兩舊海膽吞拿魚壽司，壽司飯偏細，同哥哥都係一啖一粒，叫過吓海膽癮之後就到聞名不如見面嘅迷你蒸氣火鍋！真係好可愛啊頂蒸氣帽！細心睇吓蒸氣火鍋嘅點菜紙，其實每樣食材佢都有一個參考嘅烹調時間，只要依照佢嘅指引，包唔