麵匠風龍

营业中

休息中

我哋點左一個蝦味噌拉麵同埋豚骨拉麵套餐。佢個小食好快就送到，最喜出望外嘅係佢個蝦沙律。芥末蝦沙律啲蝦係生嘅，咬落去好友膠質，好似食緊蝦刺身咁開心。仲要超級大盤，好有誠意。餃子就正常發揮啦。蝦子味噌拉麵味道濃郁，好重嘅蝦味，我覺得佢好似落咗少少蝦醬。豚骨拉麵呢就好重豬骨湯味喎，少少黏咀，我習慣頭半碗原汁原味咁食，後半碗呢會加啲蒜泥、芝麻、辣芽菜一齊食。兩種口味都好好食。好足料。唯獨係我覺得個叉燒就鞋口咗少少。如果肥返啲可能好食啲。暫時來講，佢嘅豚骨湯，係我喺香港食過最滿意嘅。比起香港嘅一蘭，佢真係超班幾倍。