豚王 (荃灣廣場) (已結業)

今日一早瞓醒想食拉面就去咗食豚王，见到限定王出咗鲣鱼拉面，就试吓，不过通常新嘅都系无惊喜，豚王啲拉面其实全部都偏浓味，唔系好食到鲜味，坚鱼汤拉面上面就会系配京葱，笋，冇咗我最钟意食嘅黑木耳，所以我觉得黑玉赤玉好味啲🤣，面可以自己拣软硬，啲肉肉质都可以，跟住我就加咗个糖心蛋同饺子，糖心蛋同饺子都冇特别，超级普通，饺子都要42蚊,再加多一支柚子味嘅汽水30蚊，真系唔平，讲真支汽水真系好好味，我次次嚟都叫🤣，唔系好甜又好够气，我男朋友叫左黑玉，味道依旧浓，墨汁汤有啲蒜味，如果当晚餐嘅话就可能觉得唔够饱，就要加少少小食或者加送，而家拉面多咗好多选择，所以呢间对比之下性价比唔算太高，因为唔算好好食😆我比较钟意较清嘅汤底，但系钟意浓汤嘅人就可以去试吓