Mokumoku Yakiton (永光商業大廈)

营业中

休息中

我呢排長時間開夜，好少陪到老婆，今日陪下老婆出去食佢鍾意食既野。而我所知，銅鑼灣有間新開的和食居酒屋，主打專食豚既串燒美食(包括內臟)，所以我同老婆去試下，一上到去店內擺設都非常日式。【刺身盛合五款】油甘魚，赤蝦，三文魚，海膽，帆立貝各款剌身都非常新鮮，入口鮮甜味爆登，特別赤蝦肉質爽嫩彈牙，甜味十足。海膽入口甘甜滋味。【味噌煮日本蘿蔔，味噌煮豬軟骨】最愛日本關東煮，每款食材都煮到軟嫩入味，蘿蔔鮮甜無渣，豬軟骨入口即溶，肉味濃郁又軟滑。【西班牙夾心肉】夾心肉味道鮮甜有咬口，而且仲好入味唔太乾。【西班牙黑豚肩肉串】肉質嫩滑有油香，食落爽嫩滋味。【白金豚肉蘆筍卷】值得推介豚肉燒到香脆可口，鮮甜爽嫩，蘆筍多汁甜美。【雞翼串】外皮香脆焦香，內裏肉質鮮甜滑溜，肉汁豐盛。【鹽燒牛小排】牛小排肉色粉嫩，入口軟綿鮮嫩，肉味濃郁香口，非常喜愛。