和牛燒肉‧純 (已搬遷) 新店位置

今日同朋友去和牛燒肉·純位於銅鑼灣分店食晚飯，和牛燒肉·純係JA全農集團旗下成員，專賣日本產和牛。特選日本和牛肉眼&高級燒肉拼盤 （$980）個拼盤擺得好吸引，特選和牛肉眼好重牛肉香味，一入口牛肉既脂肪香味係口入面散發出黎，入口好柔軟同好滑，好味。壺漬牛胸外腹，依塊肉比較厚，可以燒耐少少，燒到有焦香味，入口比較有口感。牛舌就比較有咬口，咬落好爽口。食和牛既時候因為牛肉比較膩，所以可以食少少白飯中和返個油膩既感覺。巨峰燒耐梳打 （$55）巨峰味道清新，依杯野飲有酒精成分，飲品都好大杯。桃梳打 （$45）桃味道幾特出，有桃香味。整體黎講，和牛既質素好高，入口好重牛肉味同油脂香，今餐食得好滿足。