影片
更多
2021-06-25
494 浏览
朋友鍾意食生蠔同埋海膽就加錢升級左放題套餐。🔶帶子海膽帶子有鮮味，海膽好甜唔臭🔶生蠔🦪出奇地鮮甜！😍唧埋檸檬加埋酸辣醬一齊食好美味！😋連我呢個唔係太好生蠔嘅都食多幾隻！🔶刺身拼盤好大份！賣相好靚～😍有珍寶赤蝦、三文魚、螺片、鮑片、八爪魚、魷魚等，好豐富！可以一次過食曬多款刺身，唔使逐樣逐樣嗌，好方便👍🏻螺片同魷魚好脆。三文魚肥美。牡丹蝦肉質挺實唔霉。呢度d wasabi超辣！辣到流鼻涕！要讚下呢度每張枱嘅櫃桶都有乾同濕紙巾，唔使下下問店員攞，貼心又方便～👍🏻😍食完咁多生冷野想食番d熱野，呢度都有好多款熱食選擇，例如炸物同燒物。🔶炸物嗌左茄子🍆同南瓜🎃 、日本番薯仔天婦羅。外層炸醬唔會太厚，外脆內軟。最鍾意日本番薯仔，又甜又粉。🔶燒物唔想食生冷嘅刺身，可以試試熟嘅海鮮——泰式燒元貝和泰式魚露燒蝦。燒菠蘿雖然燒過但仍然keep到水份，又甜又多汁！估唔到重有泰式燒羊腩、鹽燒三文魚、醬燒青魚同串燒食！🔶泰式料理鹹魚炒芥蘭啱啱炒起上枱時重冒煙！芥蘭夠爽脆，加上鹹魚調味有鹹香。泰式滷水豬手夠入味。豬皮夠腍。食飽仲有胃口嘅話可以食埋甜品。雪糕當然唔少得啦。仲有個甜品櫃，入面有唔同款式嘅甜品，梗有款啱
朋友鍾意食生蠔同埋海膽就加錢升級左放題套餐。
🔶帶子海膽
帶子有鮮味，海膽好甜唔臭
🔶生蠔🦪出奇地鮮甜！😍唧埋檸檬加埋酸辣醬一齊食好美味！😋連我呢個唔係太好生蠔嘅都食多幾隻！
🔶刺身拼盤
好大份！賣相好靚～😍
有珍寶赤蝦、三文魚、螺片、鮑片、八爪魚、魷魚等，好豐富！可以一次過食曬多款刺身，唔使逐樣逐樣嗌，好方便👍🏻
螺片同魷魚好脆。三文魚肥美。牡丹蝦肉質挺實唔霉。
呢度d wasabi超辣！辣到流鼻涕！要讚下呢度每張枱嘅櫃桶都有乾同濕紙巾，唔使下下問店員攞，貼心又方便～👍🏻😍
食完咁多生冷野想食番d熱野，呢度都有好多款熱食選擇，例如炸物同燒物。
🔶炸物
嗌左茄子🍆同南瓜🎃 、日本番薯仔天婦羅。外層炸醬唔會太厚，外脆內軟。最鍾意日本番薯仔，又甜又粉。
🔶燒物
唔想食生冷嘅刺身，可以試試熟嘅海鮮——泰式燒元貝和泰式魚露燒蝦。
燒菠蘿雖然燒過但仍然keep到水份，又甜又多汁！
估唔到重有泰式燒羊腩、鹽燒三文魚、醬燒青魚同串燒食！
🔶泰式料理
鹹魚炒芥蘭啱啱炒起上枱時重冒煙！
芥蘭夠爽脆，加上鹹魚調味有鹹香。
泰式滷水豬手夠入味。豬皮夠腍。
食飽仲有胃口嘅話可以食埋甜品。雪糕當然唔少得啦。仲有個甜品櫃，入面有唔同款式嘅甜品，梗有款啱你口味。
张贴
