牡蠣小屋

营业中

休息中

我鍾意食蠔，但只食熟蠔，友人知道後，帶左我去位置銅鑼灣的牡蠣小屋，這是一間以日本人開設和主理，選用兵庫或廣島蠔。這裡的怖置充滿日本風，感覺身處在日本食店。必食鐵盒燒生蠔，我地揀左一打十二隻。生蠔放入鐵盒，加入酒再燒，侍應放個計時器在旁，夠鐘就會即開俾客人食。蠔的時間控制剛剛好，每一隻好肥美和脹卜卜。就甘原味食已經好鮮甜，蠔又夠大隻，再飲埋d汁，好正。我地每人也點了特大吉列蠔定食。一碟有三隻蠔，即叫即炸，外層香脆，內裡軟棉棉。最後，點了明太子芝士玉子燒。一切開見到明太子和芝士湧出來，玉子夠嫩滑，再加上明太子和芝士，多重口感。