S2 鐵板燒 (已結業)

同老婆好耐未試过二人世界，咁啱今日放早，就約佢行街食飯，問佢想食乜，佢話冇乜所謂，咁啱見到前面有個大燈籠係寫住S2，原來係食鐵板燒嘅，就入去睇吓，嘩冇晒位，侍應叫我地等一陣。果然十分种後可以入座，侍應熱情地遞上餐牌。睇完餐牌，我選擇咗海膽焗原隻龍蝦北海道帆立貝海鮮套餐，老婆就揀咗A5和牛北海道原隻粒貝套餐，再加咗兩杯特飲。 過了一陣，先嚟前菜煙熏鴨胸沙律杯，同埋三點刺身杯。何謂三點? 即是三文魚、大蝦和八爪魚，三樣刺身都非常新鮮。【慢煮法國鵝肝伴時令水果】原來係鵝肝多士配上藍莓和蜜瓜。鵝肝煎得好香，入口就滑而溜，配上時令水果的清香，令人回味無窮。 【蟹籽螺肉】螺肉非常爽口、彈口，而蟹籽卜卜脆。 【北海道黑松露帆立貝】肉質爽，有好多汁，又有黑松露，味道非常特出。【脆皮煎鰻魚】層皮煎得非常脆，非常香口，肉質亦非常鮮嫩。 【芝士龍蝦】師傳表演得非常精彩，運用鐵板和火鎗的技術簡直神乎其技，不一會，便把原隻龍蝦燒好。豐富的芝士舖滿整隻龍蝦，芝士味香濃，龍蝦肉鮮甜彈牙。 【薄燒A和牛】材料新鮮，絕對值一試。 【松露蛋炒飯】炒飯有蛋香味，亦有松露味，總之好好味。再加上炒雜菜，味道一流。 最好，以甜品