影片
更多
2017-08-10
210 浏览
第二次來鮨真食omakase今次點咗『菊』，有前菜、刺身7款、壽司5貫同埋湯品。 前菜係白粟米配溫室蕃茄，我一直超喜歡食白粟米，白粟米嘅甜有啲似蔗糖，甜得來好清！溫室蕃茄亦特別爽甜，略沾少少鹽會更加突出甜味，令甜度加倍。刺身7款分別係左口魚薄切魚、深海池魚、太刀魚、池魚、日本生蠔、帶子、 拖羅。 左口魚薄切魚屬淡身魚，色澤晶瑩通透，將一條蔥捲起再蘸一蘸柚子皮鹽板，味道清新！深海池魚用上厚切，食落口感豐滿，魚味濃郁。之後繼續係白身魚－－太刀魚屬時令魚，夏日呢個時間特別當做，師傅用火輕輕燒燒，令到魚皮表面微焦，魚生彎曲，食落魚肉肉質實淨有彈性！擁有銀色魚皮嘅池魚魚味突出，係咁多款魚刺身中最濃郁嘅一款，所以好鍾意！蘸上薑葱豉油，口味更覺新鮮。呢隻日本生蠔比平時食開嘅偏細隻，蠔身略嫌唔夠飽滿，不過鮮味依舊香濃，蠔嘅鮮甜令人齒頰留香。之後係北海道帶子，帶子肉質柔軟，味道鮮甜，口感彈牙。最後就係魚油最豐腴嘅拖羅，魚油分佈平均，賣相對辦，但有d失望嘅係拖羅新鮮度不足，雪味大，魚味較薄弱。之後上壽司，分別有：鱆紅魚、 金目鯛、牡丹蝦、馬糞海膽、左口魚邊壽司。鱆紅魚上面鎅邊，食落爽口有嚼勁。金目鯛魚味鮮
今次點咗『菊』，有前菜、刺身7款、壽司5貫同埋湯品。前菜係白粟米配溫室蕃茄，我一直超喜歡食白粟米，白粟米嘅甜有啲似蔗糖，甜得來好清！溫室蕃茄亦特別爽甜，略沾少少鹽會更加突出甜味，令甜度加倍。
刺身7款分別係左口魚薄切魚、深海池魚、太刀魚、池魚、日本生蠔、帶子、 拖羅。
左口魚薄切魚屬淡身魚，色澤晶瑩通透，將一條蔥捲起再蘸一蘸柚子皮鹽板，味道清新！
深海池魚用上厚切，食落口感豐滿，魚味濃郁。
之後繼續係白身魚－－太刀魚屬時令魚，夏日呢個時間特別當做，師傅用火輕輕燒燒，令到魚皮表面微焦，魚生彎曲，食落魚肉肉質實淨有彈性！
擁有銀色魚皮嘅池魚魚味突出，係咁多款魚刺身中最濃郁嘅一款，所以好鍾意！蘸上薑葱豉油，口味更覺新鮮。
呢隻日本生蠔比平時食開嘅偏細隻，蠔身略嫌唔夠飽滿，不過鮮味依舊香濃，蠔嘅鮮甜令人齒頰留香。
之後係北海道帶子，帶子肉質柔軟，味道鮮甜，口感彈牙。
最後就係魚油最豐腴嘅拖羅，魚油分佈平均，賣相對辦，但有d失望嘅係拖羅新鮮度不足，雪味大，魚味較薄弱。
之後上壽司，分別有：鱆紅魚、 金目鯛、牡丹蝦、馬糞海膽、左口魚邊壽司。
鱆紅魚上面鎅邊，食落爽口有嚼勁。
金目鯛魚味鮮美。
牡丹蝦上分有蝦籽，物盡其用，新鮮彈牙嘅牡丹蝦加上鮮甜洋溢嘅蝦籽，味道無懈可擊！
馬糞海膽份量慷慨，雖然無腥，但新鮮度同鮮甜度同其他鮨店比略有不足。
左口魚邊係我全晚最中意嘅，用火燒過逼岀魚油，一啖放落口，魚油滲岀，超級肥美！
最後有碗麵，可以揀雞蛋或蔬菜。我揀咗雞蛋，簡簡單單。
一餐飯要圓滿當然不少得甜品，雪糕有士多啤梨同wasabi揀，我一聽到wasabi味就覺得好特別，點咗嚟試，估唔到真係幾得意！第一啖wasabi味道都幾突出，但係當去到好刺激時又會立即被雲呢拿味中和返，所以食落完全唔會覺得攻鼻，都幾好食！
整體唔錯，應該會有下次！
张贴
