虎鐵鐵板燒

营业中

休息中

虎鐵朋友出花紅，請我食好野慶祝，叫咗個鐵板燒特色二人套餐，好開心。煙三文魚沙律清新爽口，煙三文魚好多。蟹肉海膽松露溏心蛋蒸蛋裏面溏心，裏面有蟹肉。上面鋪咗海膽，松露同金萡，色香味俱全。火焰原隻北寄貝火焰北寄貝好啱打卡。北寄貝同d湯汁好清甜。活鮑魚配蟹肉海苔醬好大隻南非孔雀鮑魚，鮑魚爽彈，有d海水咸味，鮑魚肝臟好粉嫩。伴碟嘅雞冠紅綠海草沾上海苔蟹肉汁，好清新。法國鵝肝煎得外脆內軟，油香十足，沾上意大利黑醋同夾住青蘋果一齊食，口感唔會過於油膩。食完鵝肝最後食塊焦糖青檸，油膩感覺一掃而空。日本熊本A5和牛薄燒和牛薄片包住香蔥再夾上脆蒜片，唔好食都難。香煎野菜燒日本茄子，啡菇及南瓜，正常發揮。刺身帶子豆腐鯛魚湯/汁物個魚湯好鮮甜，奶白色，加上豆腐同日本刺身帶子，感覺健康。黑松露櫻花蝦炒飯黑松露醬香氣噗鼻，加上櫻花蝦，個飯超好食，食到一粒都冇得剩。雪葩我揀了白桃味。白桃雪葩好清甜，食鐵板燒始終會有啲熱氣同埋油膩感覺，食咗呢個雪葩，感覺涼浸浸，好清爽。