一鍋瘋 (已結業)

今日去左呢間喺油麻地嘅粥底火鍋🍲，呢間最特別嘅地方就係一人一鍋👦🏻🍲👩🏻🍲一人一鍋有咩好？好處就係可以每個人揀唔同味嘅粥底喇🤗平時食嘅粥底火鍋都係白粥加啲南瓜，芋頭粒，但係呢度另一個特別嘅地方就係粥底都有幾款唔同味架，有粟米🌽，甘筍🥕，椰子🥥，番薯🍠同菠菜🥬5個選擇，我就揀左粟米🌽佢呢度一個價錢就包左粥底同埋十款海鮮😃，有肉蟹🦀，海蝦🦐，鮑魚，生蠔，貴妃蚌，北寄貝，鮮魚片🐟，黃刀貝，番薯貝同馬尼拉蛽，超豐富呀🤤海鮮都好新鮮㗎另外仲可以加火鍋配料，每款只係12咋，仲有四十幾款咁多添🤩最後加埋南瓜粒同芋頭粒煮成粥🥣，食埋之後好飽飽呀🤭