影片
同朋友想食海鲜粥底火锅，早几日已提早book枱食饭，店员电话亦confirm了一次booking今日我同朋友到左餐厅，店员话冇我地既booking，佢比我既感觉系觉得我地系白撞😓所以我都拎出电话纪录证明返我地系有预约过，之后店员话可能唔够海鲜比我地，同埋佢话可能之前另一位店员听左我既电话预约但冇mark底系簿⋯⋯咁预约既意义在哪，整体感觉及店员的态度也不好，本来因为睇到好评想试试呢间餐厅，但我地应该都唔会去试了😪
继续阅读
🔎：《 #一锅疯 》💬： 足料又新鲜嘅海鲜一人锅 唔系度度都有架 十款海鲜同粥底 价钱算系甘海鲜既质素绝对对得住个价钱！入到去就可以先简粥底有5款 (椰子、粟米、南瓜、紫薯、蕃茄）或者另外都有一款系净芫荽皮蛋汤底 依个汤特别少少 如果要食粥既话佢最后先会帮你加粥煮 今次我地全部人都叫芫荽皮蛋汤😎如果你觉得唔够饱既话都几推介你追加配料 牛肉同丸类个啲 佢既配料全部都好正 特别系牛肉！▫️十款海鲜每款都好新鲜 啲蚬仲郁 而且大部分海鲜都唔会点缩水 不过有啲贝壳类都食到有少少沙▫️美国安格斯牛小排/美国三角牛肩👍🏻极推介依两款牛 好有牛味而且好嫩 份量叫左大份size都真系足料其实两款食落都无乜太大分别 安格斯既油脂分布较平均 油花较多 而牛肩会瘦啲 但建议叫牛肩 因为价钱平啲 而且食落两款都唔太分别▫️芫荽皮蛋汤/粥汤底味道算一般 无乜特别 唔浓亦唔太香所以真系靠本身啲料够新鲜但汤底入面真系好多芫茜系度最后加左粥煮黎食 味道都好一般 基本上食唔到海鲜嘅鲜甜味同埋其实系冇乜味▫️配料我会推介芝心丸同埋响铃 每份$12起 一份大约有2-3粒
继续阅读
呢间餐厅本身堂食已经食过一次，见佢出咗外卖自取粥底火锅套餐，就买个返去试一试☺️$128一人套餐，包左六款海鲜：生蚝，海虾，两款蚬类，鲍鱼同埋扇贝，亦都有六款杂锦丸，肥牛同埋时菜，睇落去份量好少，但系食落绝对够饱😋 今次叫咗南瓜汤底。每款海鲜都好新鲜，啲丸亦都好好食！🤩最想赞嘅系佢贴心到包左呢个火锅豉油，啲味道沟到啱啱好，用嚟点嘢食绝对有画龙点睛嘅效果！打完晒边炉之后，当然去到重点嘅粥底，加埋南瓜同埋紫薯粒，东菜同芫荽，就算几饱都食到清底😍😍😍讲起又想再食添～～～🥳🥳🥳
继续阅读
网上好似冇乜人提及既黄店，都系参考黄蓝地图列表先发现呢间嘢，系正桔梗对面，专食粥底火锅。之前一直未试过粥底火锅，未食之前都有少少想缩沙，以为会将d材料放入白粥入面渌熟，惊怪怪地，原来呢度既粥底火锅系打完边炉最尾先落粥当主食。呢度无味精蔬菜base汤底，好似粟米、紫薯、椰子、番茄等，一人一锅可以试唔同嘅汤底，套餐包十款海鲜拼盘，但系就冇包其他配料，要自己加。番茄、粟米锅底、十款海鲜拼盘我哋叫咗粟米同番茄汤底，每款都食得出好天然既蔬菜甜味，粟米就淡啲，适合钟意食海鲜原味嘅人，番茄就比较浓郁，酸味重，入面嘅番茄份量超多，一路都食到番茄肉同蕃茄蓉，但就会盖过海鲜味道，但我就好钟意番茄嘅酸味，而且因为冇味精，食到后面都仲可以就咁饮d汤底，好似饮紧浓郁版番茄汤，真真正正天然而且好味。套餐每人唔使$200就有十款海鲜，海鲜款式系时令嘅，可能下次嚟就会唔同，今次就包括半只蟹、虾、濑尿虾、蚝、花甲、带子、鲍鱼、贵妃蚌、蛏子、螺等等，超级揼本，而且海鲜系超乎想像地新鲜，上枱时d鲍鱼同虾仲郁紧，有只虾仲突然间弹到超高，吓亲我哋lol。每种海鲜餐厅都写住烹调时间，可以保证食到肉质啱啱好既海鲜，全部都好鲜甜又大只，虾蟹多膏，9成9都无沙，非常高质，性价比甚高。食到最后店员就会落芋头粒同南瓜粒，最后仲可以落粥，d粥本身已经煲到搞软身，再放落锅底到煮至绵滑，吸收晒番茄同海鲜既甜味，好满足。豚肉片、午餐肉最后仲加咗豚肉片同午餐肉，不过其实唔使叫都已经好饱，但豚肉片够腍滑有肉味，好食。整体嚟讲系非常出色既火锅店，价格亲民而且用料新鲜水准高，值得encore再encore，要多啲嚟惩罚先得。人均消费：$230推介指数（10分为满分）：9分
继续阅读
主打海鲜火锅，我地一行4人，2个对海鲜麻麻，问左可以转肉拼盘，所以我地叫左一半海鲜一半肉。蕃茄汤底劲浓，椰青好清，药膳汤就怪怪地。 上左海鲜先，2人份量，睇落去唔算好多，但真系坚新鲜，d虾会跳所以要用个碗吸住，有1只放落汤时都跳走左😂。 每人半只蟹，另外仲有好多贝类，d肉仲会走出黎，新鲜到吓亲我😅跟住肉拼盘都黎啦，每人一碟肉 (猪牛各有6-8块), 同一碗菜+丸，好大碗呀，咩都有d, 呢个应该1人食都未必食得晒，好满足。食完佢仲问要唔要煮粥，会放d蕃薯粒同芋头粒落去煮一阵先，跟住佢会拎去加d粥煮，我地用左椰青汤底煮，几好食。服务都好好，家庭式经营，好有人情味既小店。
继续阅读