瀛豐放題料理專門店

今日同朋友仔想食放題，我哋揀咗呢間位於銅鑼灣日式放題店好近地鐵站。我哋升級為極品海鮮拼盤任食，極品海鮮有松葉蟹腳🦀凍鮑魚、凍螺🐚凍青口、凍蝦🦐全部都係任食‼️仲有刺身、加拿大海膽帶子、Hoegaarden、Stella 生啤酒🍻全部任飲任食，仲有送原盒嘅魚子醬呀～刺身拼盤都係任你點款式好多，牡丹蝦好大隻、馬刀貝好爽甜，三文魚係厚切，每一款刺身好新鮮。自助區有沙律、涼拌、飲品同甜品。每款甜品細細杯，可以試多幾款不同款式😋呢度嘅壽司細細件，最鍾意食火炙芝士魚生船，火炙後魚油香味好突出❤️推介 。仲有花之戀必點😋有好多款式，幸好細細件份量，一口一個😂可以試多幾款。坊間好少見嘅日式放題店有咁豪華版嘅海鮮拼盤，仲有好多泰式熟食、小炒、刺身、創作壽司、炸物、燒物、焗生蠔等等…我哋今晚真係飲飽食醉🍻