瀛豐放題料理專門店 (已搬遷) 新店位置

每年媽咪生日都會選擇食放題，今年都唔例外，上網睇到這間位於銅鑼灣（瀛豐放題料理專門店）性價比高，所以打電話訂座。入到店內店員安排入座後就掃枱上的QR code落單，非常方便！落單之前店員就捧了一盤刺身拼盤，大約有10款不同刺身，擺盤精緻，刺身有三文魚，牡丹蝦，象拔蚌，八爪魚，赤貝，吞拿魚等，款款色澤新鮮，特別鍾意食吞拿魚，味道油滑甘香，非常厚實滑嫩，三文魚亦都好肥美，其餘刺身都好好食！帶子海膽-這個真心推介，每人起碼都食了十件，帶子厚肉而且爽彈鮮甜、中間夾住了海膽，海膽味香濃又Creamy，一齊食味道很夾，海膽亦都唔會搶了帶子的鮮甜味道😋口水雞-雞肉嫩滑配搭麻辣醬，好惹味！泰式鳳爪-鳳爪完全冇骨，食落好方便，酸酸辣辣好開胃。炸物就點了薯條，蝦天婦羅🍤和芝士年糕，全部都新鮮炸起，熱辣辣香脆可口。燒豬頸肉-豬頸肉切得好薄，咬落多汁，調味適中不用任何醬汁已經好好食😋生蠔🦪-尚算飽滿，蠔味濃郁，帶點Creamy,海水味不會很重👍最後當然留肚食甜品啦！