石亭居酒屋

营业中

休息中

呢度好多日本料理都有得食，我哋當然首先叫咗最新鮮嘅刺身先啦。活赤貝非常新鮮，咬落爽口，而且一啲都唔腥；象拔蚌食落去味道鮮甜，而且係好爽口，帶點海水味； 牡丹蝦好大隻，而且蝦肉鮮甜；油甘魚一啖咬落去充滿油脂，非常肥美；三文魚亦都係好肥美。刺身好出色，非常新鮮。壽司叫咗拖羅，入口即溶，真係唔錯；另外叫咗我最鍾意食嘅海膽，海膽有好多，而且紫菜非常脆，海膽鮮甜夠creamy。酥炸魷魚圈，魷魚香炸得啱啱好，熱辣辣，外皮好鬆化，入面魷魚香真係有齒頰留香嘅感覺。 叫咗兩串牛舌，牛舌比較厚切，個人覺得鹹咗少少。燒魚個面燒到卜卜脆，切到薄薄地，容易入口，口感唔錯。