花木日本料理 (已結業)

今晚同個friend去左呢間花木食日本菜，我地嗌左鹿兒島和牛盛宴大滿足之火鍋 。呢個set除左有火鍋之外，仲有壽司，刺身，甜品等等，唔洗齋食火鍋咁悶。首先黎左個頭盤，係紅酒蕎頭配芥辣八爪魚。蕎頭好酸不過幾開胃，八爪魚係浸落wasabi醬到，都好辣下之後到壽司，有三文魚，火灸左口魚裙邊同蟹肉壽司。壽司飯用左赤醋，紅紅地色咁。壽司魚油足夠。刺身方面，所有食材都好鮮味，食到最尾都冇腥味。帆立貝同生蠔都好大粒，而龍蝦嘅蝦膏都好香。個人覺得火鍋前面嘅野食較為出色。火鍋方面我地揀左昆布湯底，清清地可以食到食材嘅原味道。火鍋主打係松葉蟹，松葉蟹蟹肉好多，點少少蟹醋食落就更鮮甜。而其他配料都不過不失。火鍋套餐最後仲有個煙韌的抹茶蕨餅同香濃嘅芒果布甸，都幾抵食。