影片
更多
2022-10-20
385 浏览
2022年10月11日 星期二今日晏晝難得約左屋企人係筲箕灣食飯，選擇左dirty skillet呢一間餐廳，雖然新開張左已經有半年有多，不過一直都冇機會黎試入到去坐低咗發現裝修得好有童話風，文青用嚟打卡一流，自然光滲透入去餐廳每一個角落，感覺好舒服餐廳有提供午市套餐，而且餐牌裡面都有好多菜式可以選擇，圖文並茂，價錢都唔算太貴，當中最吸引我眼球嘅就係特色飲品，因為餐牌裏面嘅飲品圖片每一款都好靚，最後我哋忍唔住每人叫咗一杯，另外加多一個小食同主菜等左大約15分鐘左右Dirty Skillet小食拼盤就黎到，裡面分別有酥炸墨魚條、脆皮雞翼、炸秋葵、炸豆腐、炸蝦、雞心豆蓉同蒜蓉包，無諗過會咁大份同咁豐富，其中個人覺得墨魚條最好食，因為好彈牙同墨魚味好濃郁，而炸物配上雞心豆蓉一齊食感覺會冇咁油膩之後飲品就陸續送到，我要左Dragon Hat，其實係火龍果特飲，除咗用咗新鮮火龍果之外，仲有加士多啤梨同菠蘿汁等等，賣相一流之餘，味道都好清新，每一啖都食到火龍果肉至於屋企人就要咗fresh mango passion fruit smoothie，裏面有新鮮芒果、熱情果、菠蘿汁同青檸汁，充滿亞熱帶風
今日晏晝難得約左屋企人係筲箕灣食飯，選擇左dirty skillet呢一間餐廳，雖然新開張左已經有半年有多，不過一直都冇機會黎試
入到去坐低咗發現裝修得好有童話風，文青用嚟打卡一流，自然光滲透入去餐廳每一個角落，感覺好舒服
餐廳有提供午市套餐，而且餐牌裡面都有好多菜式可以選擇，圖文並茂，價錢都唔算太貴，當中最吸引我眼球嘅就係特色飲品，因為餐牌裏面嘅飲品圖片每一款都好靚，最後我哋忍唔住每人叫咗一杯，另外加多一個小食同主菜
等左大約15分鐘左右Dirty Skillet小食拼盤就黎到，裡面分別有酥炸墨魚條、脆皮雞翼、炸秋葵、炸豆腐、炸蝦、雞心豆蓉同蒜蓉包，無諗過會咁大份同咁豐富，其中個人覺得墨魚條最好食，因為好彈牙同墨魚味好濃郁，而炸物配上雞心豆蓉一齊食感覺會冇咁油膩
之後飲品就陸續送到，我要左Dragon Hat，其實係火龍果特飲，除咗用咗新鮮火龍果之外，仲有加士多啤梨同菠蘿汁等等，賣相一流之餘，味道都好清新，每一啖都食到火龍果肉
至於屋企人就要咗fresh mango passion fruit smoothie，裏面有新鮮芒果、熱情果、菠蘿汁同青檸汁，充滿亞熱帶風情，屋企人話飲咗之後酸酸甜甜幾開胃，而且夠晒冰凍
最後當然唔少得有主菜啦，我哋要左西班牙海鮮飯，嚟到嘅時候即刻嚇咗一跳，因為見到飯上面鋪滿晒海鮮，有扇貝、大蝦、青口、蜆同魷魚等等，十分豐富，加咗檸檬汁之後海鮮更加鮮甜，同飯好夾，味道好平衡，不過略嫌有啲飯仍然偏硬，煮耐少少嘅話應該會更加好，但係整體感覺都唔錯
最後埋單大約六百幾蚊，我哋已經飽到晚餐都唔使食太多，實在係太豐富！！
张贴
