S2 鐵板燒 (已結業)

上次去S2 Kitchen，店員介紹佢地位於佐敦既鐵板燒，趁住weekend 去完Elements黎試吓!呢度都掛左大燈籠喺門外，食鐵板燒當然要預早book定鐵板檯，睇師傅整野食都係一種享受~有別於其他日本料理，茶杯裡唔係普通的玄米、綠茶，而係放左一粒小青柑再加入花旗參茶。初嘗入口回甘，有清熱消脂既功效，好細心!我地點左2份套餐，海膽焗原隻龍蝦北海道帆立貝海鮮餐，美國薄燒牛肉北海道二本蟹爪~先來兩樣前菜，煙燻鴨胸沙律，三點前身(三文魚、北寄貝、牡丹蝦)之前去S2 Kitchen試過海膽杯實在令人回味~而呢度既海膽杯改用甲羅燒形式出場，有蟹膏、蟹肉、三文魚子、海葡萄、海膽、黑魚子，蟹膏拌勻蟹肉鮮味十足!鐵板燒既食物亦準備好，已經剪好既蟹爪，食得方便，一啖就食到蟹肉厚切牛舌好juicy 師傅先煎銀鱈魚，再放入甜甜既西京醬，味醂味噌味突出~好厚肉既脆皮煎鰻魚，一啖咬落去魚汁溢出~睇住師傅輕輕地放低薄牛肉喺鐵板，好快手加蔥~卷卷卷!! 薄燒牛肉，入口散發出蔥油香~大大粒鮮美既北海道帆立貝，加上黑松露，層次更突出。全晚既重頭戲係鐵板海膽醬芝士焗原隻龍蝦，睇住師傅排好龍蝦煎再加蓋、火灸、加海膽醬、