影片
更多
2017-08-07
674 浏览
晏晝食咗正宗既咖哩牛,晚餐自然要食返中式既咖哩牛調劑一下啦,餐牌有2隻咖哩牛,口痕問侍應焗香辣咖哩牛魔王飯同埋焗咖哩牛腩飯乜分別,佢er咗幾秒答一個有辣汁,咁唔知邊種咖哩無辣汁呢…同佢講要有辣汁果個,然後期侍出嚟既會係乜.5分鐘後另一個侍應過嚟話咖哩賣曬,真係唔該曬.不過因禍得福,俾我見到有港產美食十大之一既豆豉鯪魚油麥菜,真係唔係間間有架.油麥菜唔夠爽,而且油份過多,不過果啲油聞落去係豆豉鯪魚罐頭裡面既油,氣味太特別,所以一聞就知.配菜有磨菇仔,雖然係廚師既一番心意,但係豆豉鯪魚油麥菜就夠喇.豆豉鯪魚一罐都幾貴,所以預咗份量唔會多.因為鯪魚係搣絲,所以見食啲,但係無咗細細塊咬既風味,而且變咗絲狀都食唔太出味.好彩油麥菜吸曬豆豉鯪魚(罐頭既油)既味道,甘甘地真係一流.無論好無味,淨係有依味餸已經值得加分.湯係魚湯,純粹因為見到有一小節魚骨係碗度, 但其實無乜魚味,仲有舊瘦肉.叫左杯爆趣阿華田,只可以讚一句攝影師好野,無其他意見.
豆豉鯪魚油麥菜
44 浏览
0 赞好
0 留言
湯
51 浏览
0 赞好
0 留言
阿華田
67 浏览
0 赞好
0 留言
叫左杯爆趣阿華田,只可以讚一句攝影師好野,無其他意見.
张贴
