石磨樂豆

营业中

休息中

上個星期去觀塘行街，係裕民坊見到有間專賣豆乳飲品同甜品嘅外賣店好吸引，原來呢間係新加坡過江龍餐廳，忍唔住買咗啲黎試下！田園慢煮雞扒吐司吐司烘得金黃香脆，配料有雞扒、生菜、蕃茄等等，雞扒經慢煮，肉質特別軟腍，肉汁四溢，紙盒包餐好方便拎出黎食。香芋豆乳凍 豆乳凍入口順滑，淡淡嘅芋頭香氣，甜度適中，令人幾有驚喜嘅甜品。樽裝木瓜雪耳雪梨豆乳豆乳濃稠，濃郁黃豆香氣，配料有木瓜、雪耳、雪梨，切到細細粒，容易吸啜。抹茶紅豆小丸子濃濃嘅抹茶味道，配料紅豆香甜軟腍，加埋小丸子，口感夠曬豐富。原來間中會出季節或者期間限定款式，例如鹹蛋黃碎蛋吐司、蝶豆花茉莉豆乳凍 、川貝枇杷膏豆腐花等等，下次要再去encore先得喇！