影 (已結業)

先付係沖繩水雲、赤水母，切絲嘅水母非常爽脆，係不俗嘅開胃菜🥢北海道鮫鰈魚身比左口魚大、油香亦更濃，口感卻十分細嫩，中間包住嘅係用鹽醃過嘅櫻葉，芳香並引出鮮味🌸富山螢光魷魚煮至半熟略帶晶瑩，口感清爽，一咬落去魷魚膏喺口中迸發，非常鮮甜🦑北九州天然深海池魚利用網燒剛好燒出油香，但唔會令魚肉都燒熟埋🐟沙甸魚以紫菜捲住，再包住千本漬、三星漬，富層次感！北海道鮟鱇魚肝軟滑得像鵝肝慕斯，近乎入口即融，豉油味淋嘅調味得宜，雖然咁厚身但完全無膩感，黑七味粉帶來少少味覺衝擊，係數一數二嘅鮟鱇魚肝👍金目鯛蕪菁煮採用千葉縣金目鯛同埋蕪菁，用料講究，將蕪菁磨成蓉烹調，魚肉仍然保持嫩滑🍲跟住到壽司，北海道縞蝦蝦肉細緻綿密，掃上蝦豉油突出蝦原有嘅鮮味🍣愛知縣赤貝𠝹上花紋並用咗白豉油，嚐到柚子皮嘅清新🐚北海道赤海膽嘅份量超級慷慨，多得可以完全掩蓋米飯，入口相當creamy，味道上係滿滿嘅鮮甜😋三重縣鰤魚富油香，上面係芝麻醬🥢厚厚嘅大拖羅十分肥美，油脂豐腴🐟拖羅魚蓉加咗紫蘇葉增添幾分清香，提升層次🌿海鰻比平時大條，魚肉軟綿，罕有地冇魚骨嘅刺感，海鰻汁調配得宜，甜得嚟溫和👍米麵豉湯🥣甜品係自家製嘅草莓大福，誠意十足，仲