讚好台灣

有朋自遠方來，港島嘅朋友黎搵我食飯，即刻帶佢回憶下家鄉嘅味道啦，咁耐冇番過寶島，今次就帶佢嚟依間讚好台灣。


午飯時間成日都見到唔少打工仔同學生排隊，舖頭分兩邊舖位，都係等一陣就有位坐啦。


必點紅燒牛肉麵，個藥材湯真係好好飲，一啖面一啖湯咁，好過癮！牛腩同牛筋亦非常之入味，仲有啲酸菜解膩添。再加埋杯珍珠奶茶，珍珠煙煙韌韌，奶茶可以揀少甜都唔會太澀。

紅燒牛肉麵

今次仲叫多咗個小食—木魚豆腐，炸過既豆腐配上木魚同酸酸甜甜嘅醬汁，十分之開胃。