河內大娘越南餐廳 (已結業)

好肚餓啊，平時成日食日本野韓國野，都好耐冇食下泰國越南野啦！突然好想食就扯左男朋友陪下我！全部小食都想食，咁最方便就係要拼盤啦！！唔使諗食乜嘢~個蝦餅非常大而且炸得好香脆又夠彈牙。 個春卷入面嘅餡料調味都好好。 雞翼外層有啲蜜糖，油炸過後香脆，雞肉又滑嫩多汁。 個大娘蒸粉包嘅包皮非常晶瑩剔透，而且帶有米香，唔會蒸過火過於韌。炸軟殼蟹都好好味！咩泥？係酸子瀨尿蝦。好爽口啊～好正啊～酸酸甜甜，重要係瀨尿蝦都新鮮，肉質又好。火車頭粉夠曬大碗又多料啊。個湯都清香十足。紅豆冰都係用越南紅豆大大粒，珍多冰啲粉都係自己整啊