影片
更多
2019-09-03
125 浏览
日本菜既千變萬化真係令人猜唔透又為之傾慕，壽司可以係一件為左飽腹既食物亦可以係一件入口難忘既人間美味，只要食物既品質唔同好易就分辨到，因為日本菜最需要既係食材新鮮，呢樣野無得呃，一試便知龍定鳳。一行入餐廳就見到兩張開放式既圓檯，師傅係入面為客人烹調，可以照顧好唔同位置既客人亦係日本菜一直以來好重視既，開放或設計一方面推動師傅做得更好亦可以令佢地即時知道食客反應，當晚雖然無被安排坐以上位置，但都感覺到廚師同侍應既熱情。當日同👧🏻嘗試左「楓」呢個套餐，分別有前菜、兩款刺身、燒物、壽司、味噌湯同甜品，好坦白講，呢個係👦🏻第一次食完感動到想喊既一餐，因為食物既品質、員工既用心加上餐廳既環境都營造左一份好享受同投入於食物味道既氛圍。 一開始黎到既係廚師自己油炸既蕃薯片，廚師既刀功將薯片切得好薄，所以出到黎既口感有一種酥脆既感覺，似一片好薄既蝦片；熊本水果蕃茄佐和風汁係一道令👦🏻好鐘意既前菜，因為👦🏻其實唔鐘意食蕃茄但呢味水果蕃茄完全唔同一般既蕃茄，而係帶啲甜味；跟住黎到既刺身亦係滿滿既驚喜，分別係𩶘魚、吞拿魚同海膽，侍應好細心咁講解俾👦🏻👧🏻知唔同既刺身需要沾唔同既醬汁，配上酸汁同食用花既𩶘魚簡
一行入餐廳就見到兩張開放式既圓檯，師傅係入面為客人烹調，可以照顧好唔同位置既客人亦係日本菜一直以來好重視既，開放或設計一方面推動師傅做得更好亦可以令佢地即時知道食客反應，當晚雖然無被安排坐以上位置，但都感覺到廚師同侍應既熱情。
當日同👧🏻嘗試左「楓」呢個套餐，分別有前菜、兩款刺身、燒物、壽司、味噌湯同甜品，好坦白講，呢個係👦🏻第一次食完感動到想喊既一餐，因為食物既品質、員工既用心加上餐廳既環境都營造左一份好享受同投入於食物味道既氛圍。
一開始黎到既係廚師自己油炸既蕃薯片，廚師既刀功將薯片切得好薄，所以出到黎既口感有一種酥脆既感覺，似一片好薄既蝦片；熊本水果蕃茄佐和風汁係一道令👦🏻好鐘意既前菜，因為👦🏻其實唔鐘意食蕃茄但呢味水果蕃茄完全唔同一般既蕃茄，而係帶啲甜味；跟住黎到既刺身亦係滿滿既驚喜，分別係𩶘魚、吞拿魚同海膽，侍應好細心咁講解俾👦🏻👧🏻知唔同既刺身需要沾唔同既醬汁，配上酸汁同食用花既𩶘魚簡直係令到刺身既鮮味更顯突出，而吞拿魚同海膽則鮮甜到極。
接住落黎既燒物就令👧🏻好開心，因為進餐期間👧🏻都有講話如果可以食到銀鱈魚西京燒就好啦，結果上菜既時候就有呢道菜，係唔知道菜單既前提下都真係幾驚喜架，味道偏甜既醬汁配埋燒到魚皮香脆同軟硬適中既魚肉，呢個燒物係無可挑剔既，而另一款就係吞拿魚幽奄燒，店員有介紹到呢個係吞拿魚既額頭，呢個部位非常稀有，所以都甚少有機會食到，👦🏻就覺得呢個部位肉質比較結實，因為廚師之前用左甜味噌醃製，再加上燒既時候再以柚子醬油調味，所以口味都會偏重，但👦🏻👧🏻都好喜歡呢兩道燒物。
再黎既就係壽司拼盤，呢個就係令👦🏻👧🏻都感動到想喊既食物，分別有帶子、牡丹蝦、鰈魚邊、拖羅同熟成拖羅，侍應有建議可以由淡味既開始食起，所以👦🏻👧🏻都由帶子到熟成拖羅咁食，食材既新鮮度真係香港少有，其中最特別既一定熟成拖羅，用左五日去Dry Aged，一放入口係濃濃既魚油香味同肉質慢慢融化係口腔，朋友仔如果有機會去食就會明白個份食到好食物既感動。
差唔多最後，上黎既係一件海膽壽司，👦🏻👧🏻都覺得比較起刺身時食既更加鮮甜同甘香；跟住落黎就係味噌湯，用料十足，用左蜆黎做材料，令個湯鮮味提升；尾聲就係一片靜岡蜜瓜，作為呢一餐既尾聲真係好完美亦好圓滿。
每次都會透過以下6大方面評分(滿分:30分)
味道 : 5 / 5
環境 : 5 / 5
外觀 : 5 / 5
價錢 : 2 / 5
服務 : 5 / 5
回頭率 : 5 / 5
總分 : 27 / 30
性價比：
雖然omakase既價錢真係偏貴少少，但👦🏻👧🏻仍然好想推薦各位朋友仔去試一試，因為呢間餐廳既食物、環境、員工既服務真係會令客人好想再次光顧，而且omakase應該好適合啲中意驚喜既朋友仔，因為每一道菜都係黎到枱面先會知道食咩，不過店員一開始都會好貼心咁問左客人有無唔食既食物先，所以唔洗怕上菜個陣會唔中意食架😉
张贴