S2 鐵板燒 (已結業)

之前食過其他地區既S2, 有唔錯既體驗。呢日決定到訪佐敦店食鐵板燒~叫左兩個一人前， 分別係十勝黑豚肉松葉蟹套餐 同 A5和牛 原隻粒貝套餐!先到三點刺身作為前菜，三種刺身最中意牡丹蝦，唔止新鮮，仲大大隻啖啖肉!之後有開胃既煙鴨胸沙律，吊起大家食慾第一道主菜~北海道原隻粒貝粒貝配飛魚子同青瓜，粒貝好有口感。松葉蟹 蟹肉比想像豐富得多，店員好貼心立刻遞上手套蟹剪，拆肉easy job .厚切黑豚燒~黑豚燒澆上黑醋，啖啖肉。櫻花廣島蠔~全晚最深刻既其中一道菜。在蠔面既係櫻花蝦乾同蔥花。燒蠔既鮮味配上香口既櫻花蝦。真係超正。法式鵝肝~鵝肝本來脂肪比好高，所以廚師用黑加侖子同哈蜜瓜去配搭，果真一絕。A5薄燒和牛~大家都知道和牛之所以好味係因為脂肪分布好平均，所以食落有入口即溶既感覺，而用鐵板燒呢個感覺更為強烈紙包蜆湯~紙包蜆湯最大特色當然是煮湯既方法，亦因此湯味道特濃~黃金炒飯~其實黎到呢個位已經超飽，但仲有一個香味四溢既黃金炒飯，炒得夠乾爽，好食!甜品方面有雪糕泡芙，人見人愛。s2讚，有機會再食過