喜棧 (已結業)

會連去茶餐廳都先 open rice 一下既人可能好少，但真係唔post 唔得：茶餐廳早餐，無咩好講：只想share 一杯變壞變酸到已經成啫喱既奶茶 同一班連大家樂大快活都比唔上既侍應點咗兩份早餐 set, 一份選了 要另 +6 HKD 既無冰奶茶。無冰奶茶最先上枱。 「真係無冰」的- 無用大冰杯座住，而拎上手係室溫的。輕輕一啜，係飲唔到~ 再用力一啜~ 一舊酸酸啫喱般既物體... 馬上要吐掉！同那高高瘦瘦長直髪侍應講奶茶變了, 佢淨係走埋黎收咗杯野，走入咗廚房. 跟著就係聽到佢大叫：變咗，啜都啜唔到呀！唔得、酸㗎，好似啫喱咁, lur 都lur 唔切！（勁大聲😂）跟著佢走埋黎問轉飮咩野... 你地，一句「唔好意思」都無.  如果我唔話比你知d奶茶係變左，你點知下個 order 既客會點？ 就連大快活大家樂既年長姨姨，都識得為餐廳既出品出事而代表致歉~ 喜棧既後生侍應就只有黑面。出錯，世意外偶有發生。反而就係人/員工面對問題既態度，另人唔會再去，同埋一定要post 上黎俾其他人知道，俾佢地既老闆知道。其實再走前數步已經有一間太興。諗住試試支持小店，就入咗喜棧早餐。無下次。