譚點 (已結業)

自從添好運開張以來,已經越來越多點心店. 我本身就一間都未試過,今次揀左譚點做第一次,當然有特別原因啦,自己估下啦!! 同同事食lunch趕去九龍城,一坐低立即點野食,怕佢出得慢. 茶錢只係$3,但有好質素既茶. 而且原來好有效率,出點心十分快. 新鮮熱辣既點心當然係好食啦. 點心款式亦十分有創意,每人都只係$50好抵食,值得推介. 再加埋有靚靚甜品,絕對得女仕歡心!! 玻璃窗內睇到師傅忙緊準備點心. 筍尖蝦餃皇 - 超大隻,起碼有三隻蝦係入邊,而且又爽又甜,正!!蒜香陳村粉蒸肉排 - 好夠蒜蓉岩哂我!! 排骨好滑,陳村粉入味!香煎蘿蔔糕 - 條條蘿蔔絲夠足料,軟硬適中,唔錯. 千島炸粉粿 - 炸得香脆唔油膩,有鮮蝦餡料,有水準. 金柱帶子石榴果 - 睇個樣已經好有氣勢!!! 有蝦有帶子,仲有粒粒紅蘿蔔,西芹夠爽脆,只係$12好抵食!! 滑蛋煎糯米雞 - 有創意,不過其實蛋唔滑,但糯米雞足料又美味,必點! 仲有$7一款迷你靚靚甜品,喜歡食甜品既,少少地試哂佢都得架!