店内幾乎以自助形式運作，在電子屏幕點付款，自取餐具及水之外，還有沙律菜，白飯，牛肉湯，我想講個牛肉湯好濃味，而且都有唔少料，好飲。
① 八幡平招牌牛扒 270G$125
② 青檸封門柳 230G$160
極度建議食物上枱後先移走牛扒，之後再逐塊燒慢慢食，以免牛肉過熟而影響口感。（如果石頭唔夠熱可以請店員協助更換一塊熱石）
兩塊肉燒至半熟享用，封門柳口感較嫩，招牌牛扒牛味較濃，另外有多款調味料，簡單加黑椒鹽又得，加芥末醬或燒肉汁亦得，我更愛將蒜蓉放在熱石上燒一燒，口感更佳。
好豪咁加$25配粒巨物元貝，放在熱石上將元貝燒至金黃色，外脆內軟真係好正！
最後要講調味料中有飯素，撈飯真係無敵，令我食多左碗飯！大滿足！
