我哋4個女仔叫咗岩漿芝士炸雞🍗、韓式海鮮煎餅、芒果菠蘿Cocktail同啤酒🍻，原先仲想叫半半炸雞，點知店員話有骨嘅雞，只能供應比套餐，所以我哋諗諗🤔️先落住咁多先。
點知一嚟到，失望呀😞薯角都佔咗三份一，雞嘅份量太少，而且有啲雞又鞋又無味，要點芝士醬先有啲味，食到一半已經唔夠芝士醬，唯有點茄汁😡。仲有芝士醬勁稀，完全拉唔到絲，得少少芝士味，只能叫芝士汁👎🏻。
海鮮煎餅一樣唔掂，比一般韓式煎餅又細又薄，唔知係咪客少定係就嚟落埸，唔想再開粉漿，同之前食客post 的相差好遠，所謂海鮮得魷魚仔同幾隻蝦，啲蝦仲要勁大陣雪味☹️，以為配韓式辣醬，點知未擺落口已經聞到勁大陣醋味😵💫，完全唔辣，帶酸味，好懷疑自己食緊啲乜嘢嘢。
唯一正常味嘅就係芒果菠蘿Cocktail （不含酒精），不過百幾蚊先得1L，食水好深，出邊餐廳都係＄70－$80 ，啤酒🍻正常。
好彩佢冇半半炸雞，慳返。我哋仲唔食早餐，專登留肚嚟食炸雞，唔係想食薯角飽！啲炸雞又少又乾又無味，酸蘿蔔欠奉，芝士稀到拉唔到絲，咁點叫韓式炸雞呀？韓式海鮮煎餅仲配一個奇怪醬汁🤮
下午咁少客都煮成咁，我啲friend成餐飯由頭彈到落尾😢可能餐廳紅咗，質素就下降，連行貨都不如。
