伊呂波燒肉 (已結業)

今日係星期六, 阿細話要多謝我一路教佢補習, 所以請我食"謝師宴", hehe本來book左盛八, 點知去到佢話d爐壞左, 搵笨..咁所以唯有去第二度搵食, 突然間諗起之前睇過"伊呂波"既食評都幾好, 即刻上去睇下有冇位.好彩冇訂位都有檯俾我地, 勁開心. 我同阿細拎住個menu左度右度, 終於決定叫兩個lunch set: 1) 伊呂波set, 揀左牛肉, 加$20加大 2) 燒肉set, 揀左豬, 雞, 牛舌 (點知最後黎錯左牛, 唔係豬, 不過我地由佢)兩個set都有跟前菜, みそ同茶碗むし, 仲有一碗飯. 伊呂波set再有什錦さしみ同天麩羅, 仲要好好食tim, 我地兩個都不知幾enjoy.肉方面, 牛肉有牛味, 燒幾下就食得, 好正. 牛舌都好出色, 一d都唔"un". 而雞都不俗. 份量方面都幾ok, 俾我預期多, 我地兩個都食得飽飽, 超滿足!! 嘆左個幾鐘既lunch, 最後佢仲送左個好好味既綠茶雪糕俾我地, 阿細勁鍾意, 食到一滴都冇淨, 個樣好可愛, 多謝係餐lunch, 下次再黎食, 我請!