諾亞半熟蛋糕專門店 (已結業)

早幾日經過星光行的誠品書店, 原來書店內有各樣的美食及飲品店, 我的目光就被一隻肥貓貓吸引住....諾亞半熟蛋糕專門店已經係香港興起左好一段日子, 早2年開始同尖東忌廉哥搞Crossover, 原來近日仲推出左忌廉哥杯裝蛋糕, 有2個不同口味.忌廉哥杯裝蛋糕分別有原味蜂蜜半熟蛋糕及朱古力半熟蛋糕, 連2隻口味的瓷杯都有不同圖案.$48有一杯, $86就可以有2杯, 我就試了各口味一杯 .食用時, 可以放於室溫30分鐘後品嚐, 或放入微波爐叮1分鐘後享用.我揀放於室溫30分鐘後品嚐, 當蛋糕仲係微凍, 表面的蛋糕仍然好軟滑, 入面仍然係流心!原味蜂蜜半熟蛋糕 - 蛋糕只係4周薄薄的一層, 焗得好香, 有好香甜的蜂蜜味, 蛋糕入面流心不會太甜, 十分好味!!朱古力半熟蛋糕 - 有淡淡朱古力香咪, 蛋糕外層都係有淡淡朱古力味, 唔係好甜的. 蛋糕入面流心就較為甜, 朱古力味都幾濃的, 可以話係朱古力醬黎!外層夾流心一齊食, 2個口感一齊先最MATCH.一人食一杯做飯後甜品, 份量係岩岩好, 仲有埋忌廉哥瓷杯俾你帶返屋企, 真係超值呀!