影片
更多
2021-01-16
1989 浏览
一般來講，呢一度好多時都係我哋，諗唔到食咩，就會嚟食嘅餐廳。老實講，呢度嘅選擇唔多，但係menu每一個選擇其實都可以試！今次試 龍蝦意粉，叉燒飯，同埋炸雲吞。簡單講，三樣嘢都好好食，六百幾蚊兩個人食，好飽，基本上連個餐包都食唔晒！食完睇返呢度啲人嘅comment先知原來佢個叉燒飯係幾出名，的而且確係真材實料，叉燒好甜好淋，啲肉唔會好柴，更加唔似另外嘅一啲comment話個叉燒唔好食又話啲飯凍！（補充一點，如果你真係食咗一碗凍嘅叉燒飯，啲肉又柴又硬，嗰度嗰啲職員係可以幫到你嘅，咁當然你唔好食到最後一啖先話俾人聽叉燒飯凍啦！）龍蝦意粉，基本上佢嘅龍蝦係的而且確少咗啲，不過非常稱讚嘅係佢嘅意粉！好煙銀，好有咬口，但係唔係未熟透果一種！佢個汁我覺得有啲濃不過唔係咸！佢個份量雖然睇落唔係好多但係因為啲意粉其實係幾「溜」，所以如果一個人食晒都會幾多！anyway ,每個人嘅胃口都唔同可能我真係太細食啦⋯⋯哈哈哈😄炸雲吞真係冇得彈，勁脆，裏面啲蝦肉真係成隻蝦，冇揸流攤！如果唔係要貪靚，要打卡，為咗食物質素，嚟呢一間酒店，呢一個餐廳，食返一啲比較真實嘅食物，其實我覺得抵啲！起碼飽肚之餘，用餐環境又比較
老實講，呢度嘅選擇唔多，但係menu每一個選擇其實都可以試！
今次試 龍蝦意粉，叉燒飯，同埋炸雲吞。
簡單講，三樣嘢都好好食，六百幾蚊兩個人食，好飽，基本上連個餐包都食唔晒！
食完睇返呢度啲人嘅comment先知原來佢個叉燒飯係幾出名，的而且確係真材實料，叉燒好甜好淋，啲肉唔會好柴，更加唔似另外嘅一啲comment話個叉燒唔好食又話啲飯凍！（補充一點，如果你真係食咗一碗凍嘅叉燒飯，啲肉又柴又硬，嗰度嗰啲職員係可以幫到你嘅，咁當然你唔好食到最後一啖先話俾人聽叉燒飯凍啦！）
龍蝦意粉，基本上佢嘅龍蝦係的而且確少咗啲，不過非常稱讚嘅係佢嘅意粉！好煙銀，好有咬口，但係唔係未熟透果一種！
佢個汁我覺得有啲濃不過唔係咸！佢個份量雖然睇落唔係好多但係因為啲意粉其實係幾「溜」，所以如果一個人食晒都會幾多！anyway ,每個人嘅胃口都唔同可能我真係太細食啦⋯⋯哈哈哈😄
炸雲吞真係冇得彈，勁脆，裏面啲蝦肉真係成隻蝦，冇揸流攤！如果唔係要貪靚，要打卡，為咗食物質素，嚟呢一間酒店，呢一個餐廳，食返一啲比較真實嘅食物，其實我覺得抵啲！起碼飽肚之餘，用餐環境又比較舒服，唔會好嘈！
當然每間餐廳嘅飲品都會比較貴所以我嚟呢度真係為咗食嘢！70幾蚊嘅一杯regular coffee 我就會留返，食完先落去% 買嚟飲！🤣
张贴
