影片
更多
2019-05-20
52 浏览
係香港生活一段時間都會想去行旅行既，但工作又咁困身 唔係話想行開就可以行開。所以如果一間餐廳既氣氛可以令你有一刻抽離既感覺已經可以話係好難得。呢間係銅鑼灣既日式居酒屋Mokumoku，舖面的的色色咁，又用上昏黃既燈 令成個環境都有種好日本既感覺。而家天氣咁熱，坐低就好想叫返個既前菜降一降温先，我同朋友就叫左一個MokuMoku沙律，沙律有Parma Ham再配左店自家調製既黑醋汁，好開胃。呢到除左有串燒之外，原來仲有魚生食既。係店員既介紹下，我地點左魴鮄刺身試，魴鮄既魚肉比較紮實，味道亦都較為清甜，做刺身真係好適合。話到明係居酒屋既，串燒一定係少不免架啦，係meun上面見到好多出面都比較少見既款式 所以每樣都叫左少少去試。月見豚肉串，出面大多數見既都係用雞肉，用豬肉真係相對比較少見。配上生既雞蛋黃，成個味道都好協調 豬肉串本身都好鬆軟，真係好不錯。作為一間專做豬串燒既舖頭，又點少得一啲特別既部位可以試到，豬氣管都真係第一次見到，食落去十分驚喜 好爽脆，鐘意食豬耳既朋友一定會好鐘意！串燒既朋友又點少得酒，呢到除左有生啤可以叫之外，亦都有一啲果味既酒可以叫，我就叫左一個柚子檸檬酒，味道酸酸
呢間係銅鑼灣既日式居酒屋Mokumoku，舖面的的色色咁，又用上昏黃既燈 令成個環境都有種好日本既感覺。
而家天氣咁熱，坐低就好想叫返個既前菜降一降温先，我同朋友就叫左一個MokuMoku沙律，沙律有Parma Ham再配左店自家調製既黑醋汁，好開胃。
呢到除左有串燒之外，原來仲有魚生食既。係店員既介紹下，我地點左魴鮄刺身試，魴鮄既魚肉比較紮實，味道亦都較為清甜，做刺身真係好適合。
話到明係居酒屋既，串燒一定係少不免架啦，係meun上面見到好多出面都比較少見既款式 所以每樣都叫左少少去試。
月見豚肉串，出面大多數見既都係用雞肉，用豬肉真係相對比較少見。配上生既雞蛋黃，成個味道都好協調 豬肉串本身都好鬆軟，真係好不錯。
作為一間專做豬串燒既舖頭，又點少得一啲特別既部位可以試到，豬氣管都真係第一次見到，食落去十分驚喜 好爽脆，鐘意食豬耳既朋友一定會好鐘意！
串燒既朋友又點少得酒，呢到除左有生啤可以叫之外，亦都有一啲果味既酒可以叫，我就叫左一個柚子檸檬酒，味道酸酸甜甜咁，伴串燒一流阿，可以去除一啲串燒既油膩感覺。
呢到既燒粟米好甜好好味，已經好似耐無食過好食既燒粟米，多數食到既都比較乾身同無乜味咁。
燒既流心蛋係出面又係未見過既，蛋既外層用左煙肉去包裹住，令蛋唔會咁易燒開 亦增加左蛋本身既味。
燒韮菜泡菜又係用豬肉去包住，味道就比較驚喜 兩款味道相對都比較重既蔬菜原來配合起黎都唔差，店主一定都用左啲心機去研究。
张贴
