影片
更多
2023-04-27
85 浏览
《誰吃了好西》系列第一次食L'AMOUR已經係兩三年前嘅事 就係佢剛剛開鋪無耐嘅時候 一間以精緻既西餐做賣點既餐廳 我當年對佢環境同食物嘅印象都幾唔錯😉 如今闊別三年 不同的人與物 時與事 而家嘅佢 到底仲係唔係以前嘅佢? 🙃 餐單🧾----------------------▶️ 忌廉加拿大海膽扁意粉 $298呢個意粉用金箔 x 兩大片鮮橙黃色嘅海膽打頭陣 吸晴度爆錶 😍 海膽既唔苦澀又唔腥 入口係海膽純粹嘅鮮與甜 細緻與綿密 以一個粗暴嘅方式衝擊味蕾 ☺️ 意粉呢？咬到入麵條中間係一絲嘅脆身 "Al Dente"無誤👍🏻 個忌廉汁偏薄身 就甘食個意粉嘅話會單調左啲 建議將一片海膽同意粉拌勻 每一啖都有"海膽忌廉汁"嘅加持 體驗滿分 😋 ▶️ 法式忌廉鵝肝扁意粉 $288 同樣都係忌廉汁意粉做base 食落兩者係大不同 🤯 呢個忌廉汁係相對濃郁 creamy 同質地較掛麵 🤏🏻 "Al Dente"嘅扁意粉 x 法式忌廉汁 x 蘆筍菇菌 呢個組合本身已經係可以作為一個單品嘅存在 😋 俾我講到由主角變做配角嘅鵝肝表面煎到輕輕焦香脆身 內裡仲保持住軟滑細膩 鵝肝果種好霸道嘅甘香配合埋個忌廉汁意
第一次食L'AMOUR已經係兩三年前嘅事 就係佢剛剛開鋪無耐嘅時候 一間以精緻既西餐做賣點既餐廳 我當年對佢環境同食物嘅印象都幾唔錯😉 如今闊別三年 不同的人與物 時與事 而家嘅佢 到底仲係唔係以前嘅佢? 🙃
餐單🧾
----------------------
▶️ 忌廉加拿大海膽扁意粉 $298
呢個意粉用金箔 x 兩大片鮮橙黃色嘅海膽打頭陣 吸晴度爆錶 😍 海膽既唔苦澀又唔腥 入口係海膽純粹嘅鮮與甜 細緻與綿密 以一個粗暴嘅方式衝擊味蕾 ☺️ 意粉呢？咬到入麵條中間係一絲嘅脆身 "Al Dente"無誤👍🏻 個忌廉汁偏薄身 就甘食個意粉嘅話會單調左啲 建議將一片海膽同意粉拌勻 每一啖都有"海膽忌廉汁"嘅加持 體驗滿分 😋
▶️ 法式忌廉鵝肝扁意粉 $288
同樣都係忌廉汁意粉做base 食落兩者係大不同 🤯 呢個忌廉汁係相對濃郁 creamy 同質地較掛麵 🤏🏻 "Al Dente"嘅扁意粉 x 法式忌廉汁 x 蘆筍菇菌 呢個組合本身已經係可以作為一個單品嘅存在 😋 俾我講到由主角變做配角嘅鵝肝表面煎到輕輕焦香脆身 內裡仲保持住軟滑細膩 鵝肝果種好霸道嘅甘香配合埋個忌廉汁意粉一齊食 入口甘香得黎邪惡感50%off! 💯
▶️ 慢煮西班牙豬鞍 🍖 x 焦糖蘋果 🍎 $298
呢個豬鞍...很不簡單 慢煮 x 香煎 不旦外脆內嫩 軟𣺉嘅程度係好似切緊羊羹甘 😐 豬鞍無一舨豬扒嘅“騷“味 味道好獨特 係平日唔食豬嘅朋友都可以一試嘅節奏😉 個伴碟焦糖蘋果入口係水密桃嘅口感同味道 刷新我三觀 🤯 成個dish喺味道 x 內容 x 口感上都幾豐富 幾值得一試🙃
▶️ 法式鵝肝醬雜菌釀無激素雞胸 🐔 $328
鵝肝醬同雞肉嘅比例做得唔錯 兩者嘅味道好平衡 唔錯~ 正所謂 "雞胸要煮得好 低溫慢煮做得到" 如果呢道菜用既係雞脾肉/加埋慢煮呢個元素入去 我相信會令人眼前一亮 😉
▶️ Rose $128 x Cider $58
📸 相機Ready注意 ⚠️ 嗌得"Rose", "Puppy Love"同"Dream"呢幾杯cocktail嘅朋友 為嘅...就係一張打卡嘅靚相! 呢個系列嘅cocktail特別在有個巨型煙霧泡泡罩住個杯面 個泡泡就好似Rose同Puppy Love甘 美好嘅事總係留不住 會係一瞬間幻化泡沫 🥲 講返先 其實"Rose"係一杯Lychee味嘅cocktail 味道OK嫁👌🏻
----------------------
💳 埋單$1573
呢到嘅出品有別於一般嘅打卡餐廳 相機食先之餘 食物嘅質素有一定水準👍🏻 喺味道上俾到驚喜我 😋
🪖戴返頭盔先 味道會隨住廚師嘅心情同食材嘅質素可升可跌☻️ 以上嘅食評只代表我今次嘅體驗 唔排除你會有一個不一樣嘅感受👋🏻
张贴
