⋯一開升降機門，唔知係咪6點幾，食飯既人未算多，可以隨意揀位坐。
想食水煮魚，不過男友唔食淡水魚，唯有放棄啦。落單點左 1.霸王辣子雞丁+辣，2.麻婆豆腐，3.家常酸辣面，4.熗炒蘿卜絲，5.麻辣牛肉。
因為客未算多，上菜都幾快，最先上既係家常酸辣面，一放上枱已經聞到酸辣既味道，而且望落色澤鮮明，等唔住快快趣落手落口😋 個樣無呃到人，果然入味！
霸王辣子雞同熗炒蘿卜絲都上枱啦！上左菜，梗係配白飯最夾！ 雖然蘿卜絲唔係我點既菜，心想土豆絲可能更好味，但男友想試，絕對要配合啦！ 入口，竟然唔會太淡，雖然唔係辣菜，但爽口又香又入味，嗯！想拍手呀😆
再試霸王辣子雞，我原先無諗到d雞肉炸得咁脆，見到心諗應該會熱氣上火，但食多幾啖，越𡁻越有味，食得辣既我，都feel到舌頭有d興
要多罐可樂，配起飯菜上黎，真係好享受呀！ 麻婆豆腐跟著上枱啦，豆腐好嫩但又唔易散，幾好，不過男友話咸左少少，但值得讚揚佢唔似其他店用老干媽炒炒咁隨便，味道絕對合格。高估左自己個胃，麻辣牛肉未上枱，食唔晒怕浪費，問一問先知原來無落單，真係好彩
而家出面好多食辣既鋪頭，望落成寸紅油，但菜式一D都唔辣或者唔入味，平日失望多，好彩今日有黎試，呢到值得下次encore!
仲要新開張有85折，食得辣既朋友唔好錯過呀
1
