影片
更多
2022-11-09
587 浏览
《醉好 - 元朗》元朗呢個地方就算黎幾多次都好，都總會搵到一啲有特色又或者值得去試既餐廳☺️星期日本來想同個朋友入元朗食一間打卡cafe架，但去到見到條人龍咁長🥸即刻棄船食其他野，行行下見到有間招牌勁浮誇噴曬煙咁既雞煲火鍋店，朋友又話好肚餓想去試，誤打誤撞就變左食雞煲啦😂💁🏻♀️麻辣雞煲半隻 $168辣度我地選擇左少辣，個鍋底麻香味十足，半隻雞份量其實夠兩個人食架啦，中途有店姐姐會幫你攪拌個鍋，避免佢痴底，呢一點都幾細心架😉雞煲味道幾濃郁，啱曬我朋友呢啲重口味人士💁🏻♀️火鍋配料 - 鮮鵝腸 $98原本我地仲話佢既火鍋配料都唔算太平咼，但點知原來一份都幾大份架😂鵝腸佈滿一隻長方碟，食落爽脆，都幾新鮮的，完全無苦澀味，最緊要係呢個價錢黎講，份量咁多都幾抵食💁🏻♀️火鍋配料 - 手砌鴛鴦牛 $168鴛鴦牛拼盤入面有牛粒同埋牛頸脊，牛肉粒油花都幾重，食落有牛肉味又唔痴牙☺️一定係因為我煮得剛剛好既關係🤓牛頸脊肉嘅顏色睇落都係新鮮嘅貨仔，食落好香軟，我會推介大家點佢既沙茶醬食，甜甜地好好味😋💁🏻♀️火鍋配料 - 牛胸油 $98朋友話必點既配料，基本上煮佢二十秒就已經食得，個口感爽口但又食到好強烈既
元朗呢個地方就算黎幾多次都好，都總會搵到一啲有特色又或者值得去試既餐廳☺️星期日本來想同個朋友入元朗食一間打卡cafe架，但去到見到條人龍咁長🥸即刻棄船食其他野，行行下見到有間招牌勁浮誇噴曬煙咁既雞煲火鍋店，朋友又話好肚餓想去試，誤打誤撞就變左食雞煲啦😂
💁🏻♀️麻辣雞煲半隻 $168
辣度我地選擇左少辣，個鍋底麻香味十足，半隻雞份量其實夠兩個人食架啦，中途有店姐姐會幫你攪拌個鍋，避免佢痴底，呢一點都幾細心架😉雞煲味道幾濃郁，啱曬我朋友呢啲重口味人士
💁🏻♀️火鍋配料 - 鮮鵝腸 $98
原本我地仲話佢既火鍋配料都唔算太平咼，但點知原來一份都幾大份架😂鵝腸佈滿一隻長方碟，食落爽脆，都幾新鮮的，完全無苦澀味，最緊要係呢個價錢黎講，份量咁多都幾抵食
💁🏻♀️火鍋配料 - 手砌鴛鴦牛 $168
鴛鴦牛拼盤入面有牛粒同埋牛頸脊，牛肉粒油花都幾重，食落有牛肉味又唔痴牙☺️一定係因為我煮得剛剛好既關係🤓牛頸脊肉嘅顏色睇落都係新鮮嘅貨仔，食落好香軟，我會推介大家點佢既沙茶醬食，甜甜地好好味😋
💁🏻♀️火鍋配料 - 牛胸油 $98
朋友話必點既配料，基本上煮佢二十秒就已經食得，個口感爽口但又食到好強烈既牛肉味，油花十足👍🏻而且份量都係大大份㗎，我哋兩個人清晒成碟我都覺得好過分😂
💁🏻♀️小熊大檸七 $38
呢杯飲品黎講相對味道較普通，係普通既七喜加檸檬，不過佢嘅造型幾可愛，個冰係用小熊冰模製作，氹小朋友一流💁🏻♀️原味乳酸梳打 $28
乳酸梳打朋友話甜甜酸酸，好似xx必思既乳酸飲品咁，大大杯先$28，打邊爐時叫黎解渴都係唔錯既選擇
總括嚟講，食物嘅質素其實都唔錯，價錢同個份量絕對成正比，麻辣雞煲小辣其實都已經好夠味，我平時食米線可以食到五小辣，呢度既小辣食到尾段都有後勁的😅所以唔太食到辣就要考慮下BB辣啦，埋單連加一大約係$658，食到好飽呀
张贴
