影片
更多
2020-12-14
246 浏览
講到食，烏溪沙選擇少得可憐，想搵碗糖水食下都難，不過終於比我哋等到啦！喺烏溪沙站一出巴士站旁邊，開咗間專賣自家湯同糖水嘅小店。鋪仔細細，主要做外賣，有少量企位可供堂食，但係選擇都幾多，服務細心，煮嘅都係老闆係屋企由細飲到大嘅湯水，最緊要係超足料、有水準嘅誠意製作。個人首選係老闆誠意推介嘅蛋白杏仁茶。佢哋冇加米漿、米粉，同出面好多其他舖頭食到嘅杏仁＂糊＂口感截然不同，用杏仁新鮮磨成，冇點加糖，食落有濃郁嘅天然杏仁香甜，啖啖蛋白，喜出望外地超高質，正！另外要介紹嘅係鮮奶紅棗燉桃膠。嗰晚去買最後一碗，返到屋企倒出嚟多料到嚇我一跳！桃膠入味有咬口，鮮奶紅棗加埋一齊滋潤香甜，可能因為係最後一碗，足料到超飽肚！最後介紹，係期間限定嘅桑寄生蓮子蛋茶。佢哋嘅做法同出邊有啲唔同，冇落紅棗，桑寄生嘅味道較出，食落去有淡淡片糖嘅香味，食完即刻暖笠笠。老闆話有時糖水會提早賣晒，如果唔想錯過咗記得預先打電話留返碗啦～
鋪仔細細，主要做外賣，有少量企位可供堂食，但係選擇都幾多，服務細心，煮嘅都係老闆係屋企由細飲到大嘅湯水，最緊要係超足料、有水準嘅誠意製作。
個人首選係老闆誠意推介嘅蛋白杏仁茶。佢哋冇加米漿、米粉，同出面好多其他舖頭食到嘅杏仁＂糊＂口感截然不同，用杏仁新鮮磨成，冇點加糖，食落有濃郁嘅天然杏仁香甜，啖啖蛋白，喜出望外地超高質，正！
蛋白杏仁茶
$35
6 浏览
0 赞好
0 留言
另外要介紹嘅係鮮奶紅棗燉桃膠。嗰晚去買最後一碗，返到屋企倒出嚟多料到嚇我一跳！桃膠入味有咬口，鮮奶紅棗加埋一齊滋潤香甜，可能因為係最後一碗，足料到超飽肚！
鮮奶紅棗燉桃膠
$49
10 浏览
0 赞好
0 留言
最後介紹，係期間限定嘅桑寄生蓮子蛋茶。佢哋嘅做法同出邊有啲唔同，冇落紅棗，桑寄生嘅味道較出，食落去有淡淡片糖嘅香味，食完即刻暖笠笠。
桑寄生蓮子蛋茶
26 浏览
0 赞好
0 留言
老闆話有時糖水會提早賣晒，如果唔想錯過咗記得預先打電話留返碗啦～
张贴
