影片
呢间店都算新，啱啱开业两个几月，一路都想试下，直到见到饮食男女篇访问就决心过嚟试下！😛睇完篇访问我几佩服店主嘅热诚同勇气，始终开炖汤店唔系容易事，店主为咗附近街坊吃得更健康而开设炖汤小店，我系非常欣赏！😂 难得店主咁有心，我觉得街坊更加要多啲帮衬！店舖都唔算大，有少量座位可以堂食，主要都系做外卖生意！店内有卖滋补炖汤&滋润糖水。店主见我望住个Menu好苦恼咁，都好细心介绍啲炖汤同功效。对住有选择困难症嘅我，店主算系好有耐性！所有炖汤都可以加$10转做套餐，可配白饭/菜饭/米粉，仲送油菜一份。我最后点咗两款炖汤，两款汤都转做套餐。❤️ 原个椰皇炖鸡 $59 (另+$10转套餐)呢款汤好清甜，入面有桂圆、红枣、杞子&几嚿鸡！因为个汤系用椰水炖，所以啲鸡有好浓椰皇味，好正！个汤有少少鸡油，但饮落唔会好肥腻，好饮到令人回味🤤 菜饭同油菜都唔错，加$10分量咁多都几抵！好食度：⭐️⭐️⭐️⭐️ (4/5)❤️ 玉竹石斟炖竹丝鸡 $69 (另+$10转套餐)呢款汤系期间限定，有养阴补气，生津止渴作用，亦有养胃效果，真系好补！碗汤非常足料，由底部捞上嚟可以见到啲料有几多！🤩 汤嘅味道偏甘香，但无中药嘅苦涩味，我本身少少怕好浓药材味嘅汤，但我觉得呢款汤系容易入口👍🏻 喺屋企煲住家汤都未必煲得出呢个味道👀好食度：⭐️⭐️⭐️⭐️ (4/5)餐厅推荐度：⭐️⭐️⭐️⭐️ (4/5)佢哋啲汤真心足料，成本应该都几高🧐 食得出系用心制作！加$10可以转做套餐其实系几抵，值得一试！一定会再帮衬！
继续阅读
睇报导于乌溪沙站转弯有家以滋补靓汤作主打的小店，原来甜品都有不少选择，其中吸引我的是燕窝椰皇鲜奶炖蛋白，唔驶自己开椰皇就有得食，即刻去买个试试先。店员非常友善，仲教我食前放整个椰皇入炉约 7－8分钟蒸热，不过最后我要蒸约十多分钟才能令蛋白中心热透，热度足可以提升椰皇的香浓味道。燕窝份量不少，蛋白很滑溜，甜度刚好，感觉很滋润。等候期间望到原来有木瓜雪耳炖鲜奶，用原只木瓜来炖，仲有杏仁茶好想试，下次吧。
继续阅读
今日我要介绍一下乌溪沙站新开炖汤店【汤房】因为我去开马鞍山揾我舅母间诊所验血，顺便再去埋隔离鸟溪沙站呢间网上流传好正的汤店一试。佢呢间店仔细细，主要都系做外卖，不过都有堂食，为左影相，我梗系要堂食，但我地次次影野都叫到成台系野，所以捉埋我partner Echo 佢去帮手影相同食野啦佢呢度有卖炖汤+糖水，我好钟意饮炖汤架，但我唔会帮衬杨明，所以要介绍大家饮呢间，正！另外佢D糖水都好吸引，所以都叫哂黎试下～～我地两个人本来只系叫一人一盅，不过叫完之后佢听老细讲有一个椰皇炖鸡好正，于是佢又叫埋.......佢真系癫架！青边鲍鱼日本元贝花胶螺肉瘦肉 HK$89我叫呢款因为佢真系有好大只鲍鱼呀～～～～好正呀！！！！！鲍鱼有成只匙更咁大只，好足料唔系讲笑，咬落去好滑好弹牙，真系好正！但分左半只比佢食真系好唔甘心，我下次去要自己一人食一只！我挖起d渣，好多料，仲有瑶柱、花胶、螺片、瘦肉，劲多材料！因为系炖汤，所以d味唔会散走，会焗实哂系个盅里面，味道好咸香好鲜甜，好浓郁海产鲜味，真系好鬼好饮！！店主话呢款汤系滋阴保养，补血养颜，补肾，好健康呀！云水菜干鸡脚炖猪肺 HK$69呢款佢里面有好多菜干，原来系叫云水菜干，佢令到成盅汤都有D微甘苦味，有别于死咸的味，好有新鲜感，我仲食到佢落左少少鱿鱼干，所以有少少咸香鲜味，最正系佢落左好多猪肺，好好食呀～～～～ 我好中意食猪肺，因为其实好花功夫，店主话佢地日日去街市买新鲜猪肺制作，啤水啤到白哂为止，好干净，绝对唔系简单菜式，所以我出去饮汤好钟意试猪肺汤，因为而家冬天止咳润肺，对身体好好架，劲补劲滋阴～原个椰皇炖鸡 HK$59呢款系佢加单的，我觉得佢呢次做得好正确，真心系要试，佢个汤原来用左椰皇水炖鸡，饮落去已经好劲椰皇味同鸡油香，好清新好浓厚加上圆肉红枣，有微微清甜，好有层次。呢款椰皇炖鸡饮完好开胃好暖胃，饮完特别舒服，清肺止渴，正呀！杞子药饍烧卖 HK$10/5粒佢收银处果度收埋左一笼蒸点心，因为见好肚饿所以试左一碗，点知原来佢唔系d颓废烧卖黎架，系淮山当归杞子猪肉烧卖！佢口感好绵密，唔会好实净果种，感觉好松软，咬落有少少药材味，杞子味好香好过瘾，加埋D猪肉好有口感，HK$10有5粒又几抵食㖞，平时出去食d垃圾鱼肉烧卖都要啦。讲完炖汤，其实佢仲有卖糖水架，真系好想试埋，一场黎到又未食饭，一于食尽佢！糖水方面我首推呢款 鲜奶红枣炖桃胶 HK$49鲜奶红枣炖桃胶呢碗开头睇好似无咩料到, 不过我好钟意食桃胶所以一于试下。到左我捞上来睇下，哗哗哗！好大旧桃胶呀!!!!!!!!!!!佢里面除左巨型大件桃胶之外，仲有杞子红枣，岩哂D女仔食呀~~~~加埋鲜奶味好香好甜，真系超级好味！点解我咁钟意食桃胶？首先桃胶佢系桃树上面伤口上面分泌的胶质，所以佢胶质丰富，系保持青春其中一个法宝！而且桃胶可以清血脂，有助排便同舒缓压力，对于女性黎讲系特别有益！同埋佢地甜品系绝对少甜, 听讲无落糖，纯粹靠红枣同埋杞子甜味，真系好清香好正！📝 官方网站www.timbeelo.shop燕窝椰皇鲜奶炖蛋白 HK$49佢呢个炖蛋白用原个椰皇炖，而蛋白唔系沟水，系用原个椰皇水黎炖！真系超级清香呀！佢用椰皇水黎，所以食出黎个甜味真系完全唔同，平时出去食炖椰皇蛋白系用糖沟出黎，呢个真系不得了，好清甜好天然呀~~~~~椰皇炖蛋白都未讲完，仲有面头一大堆燕窝！好夸张好正呀~~~~~我谂好多女仔而家都睇到心心眼了吧? 真心好正好养颜，劲多蛋白质，可以补骨胶原呀~~~~超正呀, 真系好好味~~~大推🔥穷游达人 Mr. Travel Genius🔥原个木瓜雪耳炖鲜奶HK$45呢个木瓜炖雪耳比较正常，无咁精彩，不过佢就好足料，有超多雪耳，又系女性补骨胶原一流，清心润肺，加上木瓜既熟度岩岩好，一啖入面有齐雪耳木瓜蓉，淡淡牛奶清香，口感好丰富。呢款又系无落糖的，全靠里面有红枣杞子木瓜甜味，所以女仔食左唔怕肥呀~~~见佢地D炖汤同甜品咁正，就同老细吹下水啦，老细话佢地铺头做街坊生意，有街坊指定一d汤水系佢地menu冇既，佢地都一样会帮客做架！例如有客人keep住同佢地订素汤，要无肉嘅，佢地都会特别炖比客人，真系好正~头先咪话佢地D糖水无糖嘅，有糖尿比较高既客人要佢地做走甜/少甜既糖水，佢地都有帮客人整架，真系好细心好有爱。我觉得佢地好有心，尽量都满足唔同客人既需求，希望客人食完都会感受到小店既人情味。如果你住马鞍山线，咁你就有福啦！因为真系可以成日去饮啦~~~如果我住果头我谂我日日都去买黎饮，性价比真系好高呀！我觉得我最推荐果样系桃胶糖水呀~~~因为真系好多大大旧桃胶呀!!!!!!我觉得佢整体价钱感觉上都有少少贵, 但食完佢里面真系超足料，试完真系觉得佢系超值添呀, 究竟有无钱赚架????最后我一个人包底食哂，真系好正~~~~揾日想再去食呀~~~
继续阅读
讲到食，乌溪沙选择少得可怜，想揾碗糖水食下都难，不过终于比我哋等到啦！喺乌溪沙站一出巴士站旁边，开咗间专卖自家汤同糖水嘅小店。铺仔细细，主要做外卖，有少量企位可供堂食，但系选择都几多，服务细心，煮嘅都系老板系屋企由细饮到大嘅汤水，最紧要系超足料、有水准嘅诚意制作。个人首选系老板诚意推介嘅蛋白杏仁茶。佢哋冇加米浆、米粉，同出面好多其他舖头食到嘅杏仁＂糊＂口感截然不同，用杏仁新鲜磨成，冇点加糖，食落有浓郁嘅天然杏仁香甜，啖啖蛋白，喜出望外地超高质，正！另外要介绍嘅系鲜奶红枣炖桃胶。𠮶晚去买最后一碗，返到屋企倒出嚟多料到吓我一跳！桃胶入味有咬口，鲜奶红枣加埋一齐滋润香甜，可能因为系最后一碗，足料到超饱肚！最后介绍，系期间限定嘅桑寄生莲子蛋茶。佢哋嘅做法同出边有啲唔同，冇落红枣，桑寄生嘅味道较出，食落去有淡淡片糖嘅香味，食完即刻暖笠笠。老板话有时糖水会提早卖晒，如果唔想错过咗记得预先打电话留返碗啦～
继续阅读
寒流直逼，一直想饮碗热汤马鞍山呢个沙漠终于有一间滋补炖汤，滋润糖水店店主系年轻人，疫市下创业真系唔容易原个椰皇炖鸡 $59真系原个椰皇送上，热辣辣，每一啖汤都充满椰香，鲜甜足料，有鸡有杞子同龙眼肉，饮得出完全无落味精，炖足两小时既汤，果然唔同，饮完好想再继续饮，岩晒平时夜收工既人杞子药膳烧卖 $10/5粒，未食已经传出阵阵药膳香气，入口后，同普通猪肉烧卖完全系两回事，呢粒烧卖都算系人生中数一数二好食，价钱仲要唔贵，经过都买过几次食，不过好早售罄，想食真系要早一点
继续阅读