影片
更多
2020-12-03
79 浏览
幾個月前係ig見到呢間cafe色彩繽紛既yogurt bowl照片📷 印象好深刻，可惜一直未有合適機會光顧，只能bookmark住先😣 難得早幾日既星期六放假都要過海，就順便去打卡😍Cafe既位置唔算難搵，由德輔道中電車站🚃起步行去機利文街，去到皇后大道中再去士他花利街行上斜路就會見到，路程大約5分鐘左右👣當日店主見到我地入門即刻由後台行出黎安排座位，據我地所見，每當有客人入黎時店主都會主動上前迎接，呢點無疑令客人有種賓至如歸既感覺🤗.Cafe既設計風格簡約，燈光明亮💡，就算空間唔大都唔會令人有好侷促既感覺除左門口既小圓檯，內部仲有一個鋪左仿草地毯同以仿植物🌿佈置既室外空間，並有幾組木製餐桌，可以容納十零位客人👭雖然後門通往既並非真正既後花園，但係睇呢度既佈局都唔難感受到店主係想將呢度打造成綠色天地，為客人提供一個舒適環境既理念💭.當日我地坐係室內既吧檯，等候食物期間睇左牆上幾間傳媒對店主/cafe既報導📰，打從心底欣賞同佩服店主對煮食既熱誠，以及追求夢想既決心同所付出既努力💦 (受篇幅所限不能詳寫，有興趣既朋友可去cafe既ig度睇😉)其後都有同店主傾左幾句💬，了解到佢除左希望可以為
幾個月前係ig見到呢間cafe色彩繽紛既yogurt bowl照片📷 印象好深刻，可惜一直未有合適機會光顧，只能bookmark住先😣 難得早幾日既星期六放假都要過海，就順便去打卡😍Cafe既位置唔算難搵，由德輔道中電車站🚃起步行去機利文街，去到皇后大道中再去士他花利街行上斜路就會見到，路程大約5分鐘左右👣
當日店主見到我地入門即刻由後台行出黎安排座位，據我地所見，每當有客人入黎時店主都會主動上前迎接，呢點無疑令客人有種賓至如歸既感覺🤗
.
Cafe既設計風格簡約，燈光明亮💡，就算空間唔大都唔會令人有好侷促既感覺
除左門口既小圓檯，內部仲有一個鋪左仿草地毯同以仿植物🌿佈置既室外空間，並有幾組木製餐桌，可以容納十零位客人👭
雖然後門通往既並非真正既後花園，但係睇呢度既佈局都唔難感受到店主係想將呢度打造成綠色天地，為客人提供一個舒適環境既理念💭
.
當日我地坐係室內既吧檯，等候食物期間睇左牆上幾間傳媒對店主/cafe既報導📰，打從心底欣賞同佩服店主對煮食既熱誠，以及追求夢想既決心同所付出既努力💦 (受篇幅所限不能詳寫，有興趣既朋友可去cafe既ig度睇😉)
其後都有同店主傾左幾句💬，了解到佢除左希望可以為客人提供天然同健康既食物，同時亦想改變普遍客人對於「健康食物既價錢都係好貴」既觀念🙅🏻♀️，所以呢度既價錢同一般cafe無異，非常親民🤗
.
而呢度最大既特點莫過於menu上有標示食物C、P、F三大營養素同熱量，對於一直執行緊飲食控制既本人而言，絕對清楚呢類食店係市場上既稀有性，各種細節加起上黎，盡顯誠意同用心💗
******************************
✨藍色螺旋藻乳酪碗🥣 ($78)
以日本無糖有鈣乳酪所製既yogurt bowl係呢度既招牌item，有原味、紅肉火龍果、藍色螺旋藻同黑色竹碳粉4款；除左顏色上既分別，功效都各有不同🙆🏻♀️ 當日我地就點左螺旋藻呢款比較少食到既口味，貴為super food既佢可以增加身體既排毒能力⬆️
Yogurt bowl並無添加糖份，只靠香蕉🍌、藍莓同士多啤梨🍓天然甜度作調味，個人認為咁樣既味道已經十分足夠✅ 不得不講既係3款水果都好新鮮，特別係🍓食落好有香味🥰
面頭仲有雙色地瓜脆片、亞麻籽同藜麥脆粒令呢碗yogurt bowl既口感更加豐富，絕對係美觀得黎又營養十足🤗
-
✨香草忌廉汁配意式芝士菠菜雲吞🥟 ($74)
意式雲吞🥟並非度度有得食，估唔到呢度居然會有供應，唔止價格優惠，雲吞既份量仲要唔小‼️
每一粒雲吞都係脹卜卜，雲吞皮札實而軟滑，入面有芝士🧀同菠菜🥬作餡料，食落有口感之餘仲帶有菠菜既清香，加埋味道香濃既香草忌廉汁，個人覺得完全可以媲美西餐廳既出品👍🏻
-
✨香煎比目魚配檸檬牛油汁拌意粉🐟🍝 ($82)
比目魚🐟肉質細嫩，簡簡單單足以食到食材本身既鮮味，仲唔會有腥味🙂
加入左檸檬牛油汁🍋🧈作醬汁既意粉份量同樣足夠，麵條口感彈牙，食落清爽而不膩😋 同時亦見到有d檸檬核係入邊，可見係用新鮮檸檬擠取果汁，不過如果可以將檸檬核隔走，客人食起上黎會更方便😅
-
✨招牌藍莓乳酪雲石芝士餅🍰 ($58)
光滑既雲石表面同餐碟互相呼應，非常吸睛👀
由於以乳酪作為原材料，呢件蛋糕不但比傳統芝士蛋糕更加健康，口感亦有真正芝士蛋糕既幼滑，真係幾可亂真😳
蛋糕下既牛油餅底夠脆身，食到好香既牛油味但完全無油膩感，加埋份量恰到好處既藍莓醬夾心，可以話係令蛋糕既味道錦上添花，食完成件都唔覺得甜膩🙉 亦因為蛋糕所用既食材相對低卡路里，就算encore多一件都唔會有太大負擔，真係睇得又食得😝
-
✨焦糖鮮奶咖啡☕️ ($44)
自問對咖啡既要求都幾高，呢杯latte除左圖案清晰，奶泡仲拉得夠幼滑👍🏻
不得不讚既係咖啡師既製作同樣用心💗，貫徹返cafe既風格，咖啡上以玫瑰花瓣🌹、咖啡豆、朱古力醬同脆焦糖作點綴，用埋同色系圖案既咖啡杯，賣相包裝得有如藝術品一樣✨
當日亦有同咖啡師交流左一陣，知道呢度咖啡既espresso底係選用中度烘焙既巴西咖啡豆，帶有堅果同朱古力香，個人認為同味道濃郁既焦糖糖漿都幾夾，可惜自己飲慣無糖咖啡就覺得有d偏甜😅
-
✨紫薯鮮奶咖啡🍠☕️ ($44)
同上一款焦糖口味一樣，紫薯latte🍠同樣有拉花、奶泡夠幼滑兼賣相美觀，只係味道上相對會無咁甜，仲飲得到紫薯既淡淡香甜，個人認為紫薯口味更加深得我心💗
******************************👧🏻人均消費：$190
😋味道指數：4.5/5
💰抵食指數：4/5
🪑環境指數：4/5
💁🏻♀️服務指數：4.5/5
👍🏻再訪指數：4/5
-
📍EverShine
地址：中環卑利街13號地下
⏰營業時間：08:00–18:00 (Mon–Sun)
张贴
