影片
更多
2021-08-03
724 浏览
距離上次上嚟已經成年喇！終於食到久違嘅高質串燒，食住靚嘢嘆生啤，放工chill一chill ！我哋今次上嚟冇Menu，食物交由老細話事，絕對冇失望，每一樣都食到Lam Lam 脷。首先登場嘅係肉類串燒，由左三豬頸肉、左二橡果豬、到左一牛小排。肉汁好多，肉嘅質地又好嫩口冇筋，肥瘦分布得宜，真係食過最好食嘅串燒。跟住出場嘅係老細新貨：大大隻墨魚嘴，成粒魚蛋咁大，又唔會驚太韌，夠鮮！芝士獅子狗好驚喜，一咬芝士直接爆漿，又香又濃，芝士控不能錯過！蔬菜串燒唔同咗樣，但都係一樣咁好食，老細話咁樣更加方便客仔食嘛！芝士翠玉瓜，爆多汁嘅瓜，加埋芝士醬係完美配搭，蒜蓉茄子亦都係冇得輸，又係必食之選！蔬菜串燒少啲功夫都唔得，難得老細肯慢慢燒，保留到蔬菜原有嘅水份，誠意爆分啦！仲有車厘茄，估佢唔到咁好食，牛油味好香，灑咗少少鹽，車厘茄食落又係另一番滋味！食咗幸福嘅一餐，飲埋兩杯好飲嘅生啤，美中不足嘅就係差咗一碗招牌七星米，老細話米好快番貨，下個禮拜有得食，遲啲都會陸續推出不同嘅新嘢，期待下次再嚟食啊！
我哋今次上嚟冇Menu，食物交由老細話事，絕對冇失望，每一樣都食到Lam Lam 脷。
牛小排、橡果豬、豬頸肉串燒
166 浏览
0 赞好
0 留言
首先登場嘅係肉類串燒，由左三豬頸肉、左二橡果豬、到左一牛小排。肉汁好多，肉嘅質地又好嫩口冇筋，肥瘦分布得宜，真係食過最好食嘅串燒。
墨魚嘴、芝士獅子狗串燒
72 浏览
0 赞好
0 留言
跟住出場嘅係老細新貨：大大隻墨魚嘴，成粒魚蛋咁大，又唔會驚太韌，夠鮮！芝士獅子狗好驚喜，一咬芝士直接爆漿，又香又濃，芝士控不能錯過！
芝士翠玉瓜、蒜香茄子、牛油車厘茄
97 浏览
0 赞好
0 留言
蔬菜串燒唔同咗樣，但都係一樣咁好食，老細話咁樣更加方便客仔食嘛！芝士翠玉瓜，爆多汁嘅瓜，加埋芝士醬係完美配搭，蒜蓉茄子亦都係冇得輸，又係必食之選！蔬菜串燒少啲功夫都唔得，難得老細肯慢慢燒，保留到蔬菜原有嘅水份，誠意爆分啦！仲有車厘茄，估佢唔到咁好食，牛油味好香，灑咗少少鹽，車厘茄食落又係另一番滋味！
食咗幸福嘅一餐，飲埋兩杯好飲嘅生啤，美中不足嘅就係差咗一碗招牌七星米，老細話米好快番貨，下個禮拜有得食，遲啲都會陸續推出不同嘅新嘢，期待下次再嚟食啊！
张贴
