西塘花記 (已結業)

起初見新開張，都幾多人，就走入去試下。我叫左個招牌五色餃子，真係好surprise！花色餃子令人食指大動，5種都有唔同味道，我個人最喜歡綠色既素三鮮餃。入口粒粒飽滿，皮香有嚼勁，內餡亦非常多汁。之後係紅色既西紅柿牛肉餃，又香又多汁，而且好鮮味，好正！白色既唔好以為係豬肉餃，其實係剁椒魚肉餃，嗜辣既必食，辣得黎唔會蓋過本身既鮮味。黑色既係海三鮮水餃，咬落去，餃子裡面既汁好似飲緊海鮮湯，確實不錯。以呢個價錢，絕對係值得既。推介！