日悅極尚日式放題 (已結業)

成日行路經過尖東，見到大大張廣告寫住超大型酒店式放題， 好似好正咁，咪諗住揾日去試下囉今日一家三口 突然之間想食日式放題， 就去咗呢度！ 一去到唔使等， 個場都唔多人，坐得都寬敞，唔會太逼！ 之前去過食過好多間日式放題都係坐到好迫。首先叫左個刺身 多刺身賣相幾好 仲有放乾冰會出現嘅…… 但係味道就真係唔得囉帶子無味嘅 甜蝦都冇味嘅 劍魚腩都冇味 連三文魚都係冇味嘅 食完1round都冇再叫 再叫咗啲壽司,壽司是還可以的，款式亦不太少之後叫咗啲熟食…… 串燒牛舌係咁多食物之中最好食嘅羊架啲肉梅嘅、天婦羅唔脆嘅，我最愛嘅芝麻雞翼都唔熱嘅！啲熟食全部有一個共通點 ，就係唔熱 最後叫個海鮮粥同烏冬作為完結！ 食咗成餐得烏冬係熱嘅食埋杯雪糕， 就走人！食完今次冇下次