影片
更多
2023-12-23
199 浏览
介紹返💁🏻♀️。。🇯🇵 席前鐵板燒 在上環 🇯🇵。Teppanyaki Kaneko。新紀元廣場低座2樓202-203號舖。午市澳洲鮑魚 二人前Lunch Australia Abalone Course for TWO沙律 Salad澳洲鮑魚 Australia Abalone大虎蝦 King Prawn清酒煮蜆 Boiled Clam with Sake美國牛肉厚燒及薄燒US Beel Tenderloin & Sliced Beef Roll炒野菜 Fried Vegetable炒飯 Fried Rice麵豉湯 Miso Soup漬物 Pickles甜品 Dessert。HKD1450 + 10%🤫 聖誕除夕農曆新年呢啲咁嘅喜慶日子..都不外乎要同親朋戚友食餐好嘢聚吓咁樣..天氣咁鬼凍連對Omakase冇乜反抗能力嘅我都有些少卻步🤭所以今日決定同V仔轉戰席前鐵板燒～🤫 今次試嘅呢間係位於上環地鐵站出口一上嚟廿步以內就已經去得到嘅新紀元廣場入邊..佢個名叫做鏘Kaneko..聽講話係新開嘅～環境黑金色作為主色..行低調高貴嘅路線..地方唔算係好大但係感覺好精緻..聽師傅講仲有間VI
。
。
🇯🇵 席前鐵板燒 在上環 🇯🇵
。Teppanyaki Kaneko
。新紀元廣場低座2樓202-203號舖
。
午市澳洲鮑魚 二人前
Lunch Australia Abalone Course for TWO
沙律 Salad
澳洲鮑魚 Australia Abalone
大虎蝦 King Prawn
清酒煮蜆 Boiled Clam with Sake
美國牛肉厚燒及薄燒
US Beel Tenderloin & Sliced Beef Roll
炒野菜 Fried Vegetable
炒飯 Fried Rice
麵豉湯 Miso Soup
漬物 Pickles
甜品 Dessert
。HKD1450 + 10%
🤫 聖誕除夕農曆新年呢啲咁嘅喜慶日子..都不外乎要同親朋戚友食餐好嘢聚吓咁樣..天氣咁鬼凍連對Omakase冇乜反抗能力嘅我都有些少卻步🤭所以今日決定同V仔轉戰席前鐵板燒～
🤫 今次試嘅呢間係位於上環地鐵站出口一上嚟廿步以內就已經去得到嘅新紀元廣場入邊..佢個名叫做鏘Kaneko..聽講話係新開嘅～環境黑金色作為主色..行低調高貴嘅路線..地方唔算係好大但係感覺好精緻..聽師傅講仲有間VIP房俾熟客仔更多嘅Privacy
🤫 咁年尾又聖誕盛盛咁樣..食返餐貴些少嘅回饋吓自己都好應該..但係唔好睇我哋個餐又鮑魚又虎蝦仲清酒煮蜆咁多海鮮..個價錢又唔係話好貴..圍起每個人都係八百蚊有找..呢個價錢竟然嗰隻澳洲鮑魚可以好似我塊面咁大隻..真係黐鬼咗線🤣
🤫 成餐鐵板燒食完落嚟除咗滿足咗口腹之欲..仲覺得Kaneko嘅服務真係非常之唔錯..好少見師傅一開始竟然會輕輕自我介紹然後就叫我哋嘆一嘆個沙律..佢就慢慢準備鮑魚三吃～你知啦平時啲鐵板燒師傅好Cool唔係好Show人㗎嘛😳
🤫 所謂嘅鮑魚三吃..真係唔係話好常見..首先要你有咁大隻鮑魚去整三吃先得😌第一吃係鮑片薄燒配鮑魚內臟調配而成嘅Cream Sauce..呢一隻食法清清地可以輕易咁食到鮑魚淡淡嘅鮮味..配埋些少甘甜味嘅內臟醬汁..可以話係原汁原味～我喜歡👍🏻
🤫第二吃係XO醬厚燒鮑魚..呢種食法口感比較重亦都比較惹味啲..保持到爽口彈牙..V仔話三吃裏便佢最鍾意食呢隻..然後最後一吃就係鮑魚裙邊..質地相對會黏立同埋軟綿綿一啲..有好唔同嘅感覺
🤫 鮑魚過後就係無敵大隻嘅大虎蝦..聰師傅手勢非常俐落..兩三下就已經將兩隻大虎蝦肢解咗..期間亦會詳細咁樣同我哋介紹吓隻蝦嘅煮法..佢話佢比較喜歡用原汁原味嘅方法調味..所以主要都係用蝦頭蝦膏再加洋蔥粒粒做返個醬汁..蝦肉彈牙唔再講啦..個味道真係超鮮味㗎～佢連個蝦頭都另外炸到脆一脆俾我哋食..成個過程又會好細心咁樣問我哋覺得調味上邊使唔使重手啲輕手啲又或者食唔食洋蔥啊蔥之類嘅配料等等..係我見過最細心嘅鐵板料理師傅👍🏻
🤫 喺我哋將隻大虎蝦吞噬得七七八嘅時候聰師傅就開始準備下一味清酒煮蜆..佢先係將清酒煲滾加以調味造成湯底..然後就喺我哋面前表演放火🤪佢話咁樣可以將清酒嘅酒精成份揮發..然後提我哋天氣咁凍唔好淨係食蜆一定要飲埋啲湯可以暖胃(喂呀～你咁細心嘅🫶🏻)大蜆呢家嘢唔使煮太耐..湯底準備好之後將蜆ss放入去冇耐就可以𢳂返出嚟..又估唔到個湯底超鮮甜個喎..而且佢有加咗少少辣椒..鮮甜再加辣辣地嘅味道果然係非常之暖胃..我同V仔一致覺得呢一個湯係超讚嘅
🤫 海鮮部份完結就嚟到牛肉鐵板燒啦..餐廳好慷慨咁樣提供晒厚燒同薄燒等食客同時間可以享受兩種口感兩種味道..厚切同大部份鐵板燒餐廳處理嘅手法一樣都係會燒成牛肉方粒..牛味好香口感油脂都係極佳..而最特別嘅就係～聰師傅係現場即席炸蒜片㗎😮之前幾乎全部餐廳都係用現成一早整好嘅炸蒜片..我都係第一次見到炸蒜片嘅製作過程咋..原來都幾考功夫㗎..要不斷咁樣翻炒啲蒜片..又要邊炸邊分返開啲蒜片唔好黐到一嚿嚿..炸完又要等去滰乾水先至會變得香脆..我哋真係食得出即炸同埋一早炸好嘅分別㗎..即炸真係酥脆好多🤤然後牛肉薄燒都係嗰種用牛肉片包裹住蔥花蒜粒嘅食法..聰師傅將牛肉薄片再煎香啲帶少少脆邊..呢個味道係比起平時食開嘅更加嚟得惹味🫡簡直要向佢致敬
🤫 仲有啊..呢度個炒飯呢～真係不得了..炒得非常乾身嘅金鑲銀炒飯上邊再加一隻煎到燶邊嘅太陽蛋..比起出邊嗰啲乜鬼嘢櫻花蝦炒飯..我更加喜愛呢一個蛋炒飯..將炒飯撈埋蛋黃嗰一刻簡直有Amazing嘅感覺
🤫 係啦～又讚到天上有咁啦..但真係好正呀嘛..最緊要係師傅好Nice可以邊食邊傾偈(又靚靚囝囝咁樣😬)仲整埋我最鍾意食嘅砂糖多士做甜品..真係滿足到爆炸..砂糖多士仲要係配開心果雪糕㖭啊😳真係唔肥就有鬼啦
。。
翻兜指數：🙆🏻♀️🙆🏻♀️🙆🏻♀️🙆🏻♀️（5個🙆🏻♀️為翻兜爆燈）
。。
张贴
