影片
更多
2023-05-14
1092 浏览
介紹返💁🏻♀️。。🇹🇼 台式火鍋 在尖沙咀 🇹🇼。牛駅 Beef Station。愛賓商業大廈1樓102號舖。120分鐘放題大滿足自選湯底牛駅秘製麻辣鍋。滋補豬筒骨鍋。喇沙海鮮鍋。清甜椰子雞鍋。香濃蕃茄豬骨鍋。香辣沙嗲鍋。美顏花膠竹絲雞鍋。禦寒胡椒豬肚鍋。芫茜皮蛋豆腐鍋。老黄瓜瑤柱葱米雞鍋。A/ 美國牛肩胛片。巴西牛脷托。美國豬梅肉片。澳洲羊肉片。花雕酒雞翼- 星期一至四。HKD248 + 10%- 星期五六日。公眾假期及前夕。HKD258 + 10%B/ SRF美國特級肩胛肉眼片。西班牙豬五花片。日本帆立貝。蝦仁棒棒。紐西蘭青口。白鱔片。手打墨魚滑。象拔蚌片。秘製滷牛筋- 星期一至四。HKD288 + 10%- 星期五六日。公眾假期及前夕。HKD298 + 10%C/ 特上牛小排。澳洲M5和牛。手切封門柳。手打蝦滑。鵝腸。廣島蠔。翡翠螺- 星期一至四。HKD328 + 10%- 星期五六日。公眾假期及前夕。HKD338 + 10%⋯19:30前離座有優惠價錢，詳情自己Check返餐廳⋯🤫 冇錯～放題第二擊係台式火鍋😳我同Tata約咗去尖沙咀The ONE隔離嘅呢一間牛駅..貪佢夠方便
。
。
🇹🇼 台式火鍋 在尖沙咀 🇹🇼
。牛駅 Beef Station
。愛賓商業大廈1樓102號舖
。
120分鐘放題大滿足
自選湯底
牛駅秘製麻辣鍋。滋補豬筒骨鍋。喇沙海鮮鍋。
清甜椰子雞鍋。香濃蕃茄豬骨鍋。香辣沙嗲鍋。
美顏花膠竹絲雞鍋。禦寒胡椒豬肚鍋。
芫茜皮蛋豆腐鍋。老黄瓜瑤柱葱米雞鍋
。
A/ 美國牛肩胛片。巴西牛脷托。美國豬梅肉片。
澳洲羊肉片。花雕酒雞翼
- 星期一至四
。HKD248 + 10%
- 星期五六日。公眾假期及前夕
。HKD258 + 10%
B/ SRF美國特級肩胛肉眼片。西班牙豬五花片。
日本帆立貝。蝦仁棒棒。紐西蘭青口。白鱔片。
手打墨魚滑。象拔蚌片。秘製滷牛筋
- 星期一至四
。HKD288 + 10%
- 星期五六日。公眾假期及前夕
。HKD298 + 10%
C/ 特上牛小排。澳洲M5和牛。手切封門柳。
手打蝦滑。鵝腸。廣島蠔。翡翠螺
- 星期一至四
。HKD328 + 10%
- 星期五六日。公眾假期及前夕
。HKD338 + 10%
⋯19:30前離座有優惠價錢，詳情自己Check返餐廳⋯
🤫 冇錯～放題第二擊係台式火鍋😳我同Tata約咗去尖沙咀The ONE隔離嘅呢一間牛駅..貪佢夠方便而且地方大..估計坐得都幾舒服嘅
🤫 因為我哋之前都未幫襯過牛駅所以好保險咁揀咗最基本嘅放題套餐試一試佢嘅虛實..同其他火鍋放題一樣..你俾多幾廿蚊就會升級肉類同多幾樣嘢食..再俾多幾廿蚊又會再升級同再多幾樣嘢食咁樣～
🤫 我哋加咗四十八蚊要鴛鴦鍋..一邊喇沙一邊椰子雞～喇沙海鮮湯底..喇沙味香但係略嫌太過辣..對我呢啲唔係好食得辣嘅人嚟講要加兩三次湯先可以食用😂然後椰子雞湯非常之香濃足料..放咗四份一隻雞紅棗杞子椰子落去煲湯..越飲越鮮甜
🤫 肉方面..其實基本套餐嘅豬同牛質素都非常之好..大家睇相都睇得出～我哋Encore咗四五盤牛兩三盤豬..每盤有四塊肉..肉片肥瘦適中..好適合打邊爐食～
🤫 事先聲明..可能我真係太少幫襯台式火鍋放題..所以下邊嘅介紹可能有些少誇張..因為呢度實在有太多我覺得好特別嘅火鍋配料..歡迎大家留言話我知究竟我係唔係太過孤陋寡聞🤪
🤫 由我最鍾意食嘅海鮮配料入手..正常打邊爐都有嘅海蝦沙白..然後比較少見嘅有水魷同沙鯭魚..仲有花膠(花膠究竟算唔算係海鮮呢🤔) 全部質素相當唔錯..大大隻冇沙爽甜..
🤫 然後丸類..普通嗰啲牛丸花枝丸珍寶魚蛋..香菇貢丸芝士腸蟹棒..冰豆腐龍蝦丸芝士年糕唔使特別講啦..特別嘅係士林腸灌蛋..芋頭貢丸..海鴨蛋福袋同埋糬來寶..我都未聽過未食過..然後仲有蛋角同鵪鶉蛋都被列入火鍋配料嘅行列..非常之新奇有趣..當然台灣獨有嘅燕餃呢度都有得食
🤫 至於蔬菜方面..普通嘅有娃娃菜唐生菜金菇..蓮藕油麥菜白蘿蔔薯仔片..蕃茄粟米翡翠苗..特別嘅有比較貴價嘅冰菜蟲草花同羽衣甘藍..另外萵筍鮮淮山同水蓮菜都係普通火鍋放題比較少見嘅
🤫 就連麵食方面都有佢獨有嘅特色..有台灣好出名嘅王子麵新竹米粉不特止..刀削麵寬粉都有..最估唔到嘅係出前一丁係一包包原包放喺度俾你拎返去淥嘅
🤫 仲有呀～嗰啲台式小食呢..醉雞捲啦台灣腸啦..鹽酥雞啦醉雞翼尖啦..仲有乜鬼嘢泡椒魚皮..醬爆糍粑..就連麻辣小龍蝦同埋滷肉飯都有..嗰啲我覺得好特別嘅真係講都講唔晒..放題有鮮雞子同埋鴨血係咪算少見先🤔
🤫 老實講..我就真係冇試晒所有上邊提及過嘅特色配料..但係我同Tata放入口嘅全部食物質素都非常之唔錯..以三百蚊有找..清酒梅酒啤酒仲可以任飲嚟講真係屬於好性價比..而且火鍋店入邊嘅服務都好好..有提供用完即棄圍裙..亦都預先放好咗清湯一壺喺枱面等食客可以隨時自己加湯..食物上枱快之餘..侍應哥哥姐姐清盤嘅速度亦都好快..唔會話堆到成枱都係嘢..總言之..想試比起一般火鍋放題更加多火鍋配料選擇嘅話..我會推介你試牛駅～
。。
翻兜指數：🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）
。。
张贴
