影片
更多
2023-05-05
369 浏览
介紹返💁🏻♀️。。🇯🇵 放題 在銅鑼灣 🇯🇵。極尚大喜屋 Deluxe Daikiya 。銅鑼灣廣場一期9樓。晚市放題 All You Can Eat Dinner星期一至四 各時段。1730 - 2000。。2030 - END。。HKD268 + 10%。1830 - 2030。。1900 - 2100。。1930 - 2130。。2000 - 2200。。HKD278 + 10%星期五 各時段。1700 - 1900。。HKD248 + 10%。1730 - 1930。。2030 - END。。HKD258 + 10%。1730 - 2000。。HKD278 + 10%。1830 - 2030。。1900 - 2100。。1930 - 2130。。2000 - 2200。。HKD288 + 10%星期六日。公眾假期及其前夕 各時段。1700 - 1900。。HKD248 + 10%。1730 - 1930。。2030 - END。。HKD258 + 10%。1730 - 2000。。HKD288 + 10%。1830 - 2030。。1900 - 2100。。1930 - 213
。
。
🇯🇵 放題 在銅鑼灣 🇯🇵
。極尚大喜屋 Deluxe Daikiya
。銅鑼灣廣場一期9樓
。
晚市放題 All You Can Eat Dinner
星期一至四 各時段
。1730 - 2000。。2030 - END。
。HKD268 + 10%
。1830 - 2030。。1900 - 2100。
。1930 - 2130。。2000 - 2200。
。HKD278 + 10%
星期五 各時段
。1700 - 1900。
。HKD248 + 10%
。1730 - 1930。。2030 - END。
。HKD258 + 10%
。1730 - 2000。
。HKD278 + 10%
。1830 - 2030。。1900 - 2100。
。1930 - 2130。。2000 - 2200。
。HKD288 + 10%
星期六日。公眾假期及其前夕 各時段
。1700 - 1900。
。HKD248 + 10%
。1730 - 1930。。2030 - END。
。HKD258 + 10%
。1730 - 2000。
。HKD288 + 10%
。1830 - 2030。。1900 - 2100。
。1930 - 2130。。2000 - 2200。
。HKD298 + 10%
🤫 緊接落嚟係瘋狂嘅一個星期..我都唔知自己發咩神經..應承唔同嘅朋友喺同一個星期裏邊食唔同嘅放題..食到而家個人都有啲呆呆濟濟🤪第一擊就去咗近十年都冇食過嘅日式放題..想當年大喜屋放題紅極一時..然後佢哋就開始開唔同Level嘅放題..就好似今次我食嘅相信係高一個Level嘅極尚大喜屋～
🤫 咁因為真係已經好耐冇食過呢類型嘅放題..都完全唔記得咗原來入座之前先要排隊攞枱嗰個震撼嘅畫面..估唔到大喜屋Keep到佢嘅魅力咁多年..依然能夠令到全場爆滿㗎喎..真心勁～記得以前仲係瘋狂咁樣畫紙仔叫嘢食..今時今日被安排入座之後就可以用QR code輕輕鬆點選美食..而美食嘅種類之多..等我哋溫故知新究竟有啲咩類別嘅美食啦🤪
🤫 第一個範疇要介紹嘅就當然係最受食客歡迎而且必定會Encore再Encore嘅刺身嘞～我哋兩丁友幾乎試晒所有嘅刺身項目..三文魚油甘魚劍魚腩啦..帆立貝赤貝北寄貝蠑螺鮑片啦..赤蝦甜蝦馬刀貝等等..原來而家啲放題有咁多種刺身㗎～我真係有眼不識泰山😲而最特別嘅莫過於極尚獨有嘅薄切活立魚刺身啦～立魚刺身係分開上枱㗎..先唔講個味道淨係個擺盤都靚啲㗎🤣而且質素都真係唔錯..仲會配埋食立魚唔少得嘅酸汁..全套服務有齊晒..欣賞👍🏻至於另外嘅各種刺身質素都係都好過以前食嘅好多..普遍都係新鮮爽甜..我諗食刺身食得夠多都已經回本㗎喇
🤫 刺身介紹完必然係要順帶講埋壽司手卷嘅..我哋就叫咗燒左口魚壽司..黑松露拖羅魚籽塔..魚籽醬龍蝦沙律多士..海膽手卷同埋拖羅蓉手卷嚟試吓..左口魚壽司質素同平時喺壽司舖食都差唔多..喺面頭塊魚細啲囉..放題嚟講算係咁㗎喇..然後嗰個什麼拖羅魚籽塔..其實就係卷物上邊放幾大份量嘅拖羅蓉再加少量魚籽..呢個都幾好食嘅..值得叫～至於個龍蝦沙律多士呢..個多士係甜㗎🤭味道非常之複雜..迷你手卷以拖羅蓉手卷為佳
🤫 刺身壽司粗略介紹完就到煮物啦..真係冇諗過而家嘅放題連煮物都有咁鬼多選擇..我哋梗係揀啲精選嘅嚟試吓啦..咁所以我哋食咗個花雕醉鮑魚..金蒜蓉粉絲蒸扇貝..黃金焗開邊蝦..香草牛油煮鮮大蜆同埋極尚花膠盛宴..個人最欣賞就係焗開邊蝦..隻蝦都幾大隻幾彈牙而且個汁都好好味..醉鮑魚花雕味非常之濃郁..牛油煮蜆亦都相當入味..值得一提嘅係極尚大喜屋先至有嘅花膠系列..所謂嘅花膠盛宴其實係中式嘅炆花膠..都炆得幾入味..有空間嘅可以試吓
🤫 再嚟就講吓燒物..我哋分別試咗燒香草羊鞍..蒲燒鰻魚..鹽燒牛舌..牛油翠玉瓜..鹽燒雞軟骨同埋皇牌燒乳鴿..真係不得了～完全冇諗過放題都有燒乳鴿食..仲要質素唔差個喎..如果我早啲發現佢嘅存在我諗我會Encore多一件..然後就係雞軟骨串燒..枱枱都好似Encore咗兩三Rounds..我哋都唔例外..啲軟骨脆口得嚟都幾Juicy..鰻魚都幾好肉地🤭
🤫 至於天婦羅呢..例牌會食天婦羅蝦㗎啦..另外蟹棒蕃薯仔同埋海苔芝士竹輪卷我哋都有食..天婦羅系列各種款式質素中上..我諗好少嚟食放題嘅人唔會叫囉～
🤫 最後..雖然呢度甜品嘅種類多餘繁星..但係我個肚真係飽要爆炸咁滯..所以我只係揀咗最矜貴嘅花膠燉鮮奶做我唯一嘅甜品..燉鮮奶好滑溜..上邊加幾粒花膠成件事即刻覺得好美顏..Babiess千祈唔好錯過～
🤫 總括嚟講..今次嘅放題經驗簡直令我耳目一新..睇嚟我真係老啦～原來而家嘅放題嘢飲種類係多過以前十倍有多..平時嘅汽水啤酒唔再講..維他奶菊花茶都有得飲之餘..仲有一啲自家冷泡茶..可以話係乜都有得你飲..然後嘢食款式亦都係..多到有啲恐怖🤪..真係好想知道有冇人可以喺一餐裏面試晒佢所有嘅菜式㗎呢🤔 仲有喎..以前閒閒哋食個放題都四百蚊落樓..而家應該三百蚊有找..都真係幾抵食..不過呢～我發現始終有一樣嘢係冇變嘅..就係無論星期一至五假期與否..大喜屋放題都係咁多人幫襯..銅鑼灣呢間分店大到阿媽都唔認得..都可以坐滿晒人㗎喎😳
。。
翻兜指數：🙆🏻♀️🙆🏻♀️ （5個🙆🏻♀️為翻兜爆燈）
。。
张贴
