影片
更多
2022-11-24
30 浏览
介紹返💁🏻♀️。。🇭🇰 Taproom 在太子 🇭🇰。朝 Asa。太子大南街39號地舖。牛油果蟹籽沙律 。HKD78牛油燒甜栗米。HKD32炸池魚仔。HKD68鹽燒脆雞皮。HKD30鹽燒雞軟骨。HKD30月見雞肉棒。HKD68醬燒豬腩片。HKD65清洒煮蜆。HKD78瀧五郎 啜啜啫喱 柚子酒 300ml。HKD218🤫 繼續行山日美食日記..話說嘆完個下午茶就輕輕鬆鬆咁樣返去油塘地鐵站搭車返屋企..返到去沖個靚涼休息一陣..然後飯腳都行完山過嚟同我一齊出去太子嗰邊食飯兼睇戲🤫 咁我哋係買咗夜啲嘅戲飛睇Wakanda Forever嘅..所以出到太子就當然搵食先啦..今次我醒啊..一早喺OpenRice搵定間有興趣嘅居酒屋試吓..講緊嘅就係位於太子大南街嘅Asa..點解我會睇中咗Asa?原因好簡單..就係貪小便宜😂..喺OpenRice度見到佢哋近排有清酒半價優惠..梗係去試吓啦🤫 我哋六點半鐘去到..本來諗住我哋咁早嚟食Dinner應該冇乜人至係㗎..竟然都已經半場爆滿..好彩都仲有個牆邊位坐下..咁話晒係居酒屋梗係嚟試吓啲日式串燒啦🤫 好..而家就排名不分先後..逐樣嘢食介紹俾大家.
。
。
🇭🇰 Taproom 在太子 🇭🇰
。朝 Asa
。太子大南街39號地舖
。
牛油果蟹籽沙律
。HKD78
牛油燒甜栗米
。HKD32
炸池魚仔
。HKD68
鹽燒脆雞皮
。HKD30
鹽燒雞軟骨
。HKD30
月見雞肉棒
。HKD68
醬燒豬腩片
。HKD65
清洒煮蜆
。HKD78
瀧五郎 啜啜啫喱 柚子酒 300ml
。HKD218
🤫 繼續行山日美食日記..話說嘆完個下午茶就輕輕鬆鬆咁樣返去油塘地鐵站搭車返屋企..返到去沖個靚涼休息一陣..然後飯腳都行完山過嚟同我一齊出去太子嗰邊食飯兼睇戲
🤫 咁我哋係買咗夜啲嘅戲飛睇Wakanda Forever嘅..所以出到太子就當然搵食先啦..今次我醒啊..一早喺OpenRice搵定間有興趣嘅居酒屋試吓..講緊嘅就係位於太子大南街嘅Asa..點解我會睇中咗Asa?原因好簡單..就係貪小便宜😂..喺OpenRice度見到佢哋近排有清酒半價優惠..梗係去試吓啦
🤫 我哋六點半鐘去到..本來諗住我哋咁早嚟食Dinner應該冇乜人至係㗎..竟然都已經半場爆滿..好彩都仲有個牆邊位坐下..咁話晒係居酒屋梗係嚟試吓啲日式串燒啦
🤫 好..而家就排名不分先後..逐樣嘢食介紹俾大家.. 先嚟講吓我幾欣賞嘅雞皮串燒..呢度嘅雞皮串燒同其他居酒屋差唔多都係會將啲雞皮揦埋一住咁樣去鹽燒..令到雞皮接觸到火嘅地方比較香脆..然後接觸唔到火嘅嗰啲部份又保持到嗰種Juicy同彈牙嘅口感..我同飯腳仔一人一串唔使爭
🤫 然後第二樣想介紹嘅就係月見雞肉棒..叫下叫下都唔知原來叫咗好幾樣都係雞..今次真係雞..全部都係雞啦..不過所有雞嘅串燒都各有特色..好似呢一個雞肉棒咁樣..都幾大串㗎..免治雞肉同雞軟骨比例完美..食到雞軟骨嘅爽口又食到雞肉嘅幼滑..點埋個又圓又大粒嘅蛋黃真係Perfect
🤫 第三樣我想介紹嘅..唔係串燒..係呢一餐裏面我最欣賞嘅..清酒煮蜆..首先份量方面足夠兩個人食..而且蜆嘅Size係一啖一隻啱啱好嘅..然後最重要就係..我第一次食到一個清酒味非常之香濃嘅清酒煮蜆..相信佢嘅用料都非常之唔錯先至可以做得到咁香濃嘅清酒味..搞到我食完啲蜆都仲忍唔住再飲嗰啖清酒湯..仲有就係佢嘅蜆嘅生熟程度係啱啱好嘅..廚師嘅火候真係一流..呢個係我嘅必試推介
🤫 嘢食講到一半..我忍唔住要插個嘴介紹咗我今次試嘅呢一支清酒先..因為呢支清酒好過癮㗎..佢係啫喱狀嘅清酒嚟㗎..真係嗰種震騰騰開心心羅拔臣咁㗎..即係好似未落魚膠粉嘅啫喱咁囉..Chu一聲清酒就入咗去口腔..然後仲有淡淡的柚子味..飯腳仔重複講咗好幾次..呢隻清酒真係好易入口..唔覺唔覺就會飲晒..好容易會醉㗎喎🤭
🤫 講完個清酒..返翻嚟介紹啲嘢食先..第四樣嘢食我就想介紹炸池魚仔.. 薄薄嘅炸粉包住原隻嘅池魚仔..連條骨都食埋..啖啖肉脆卜卜..配清酒真係一流..絕對係非常好嘅下酒小菜
🤫 然後醬燒豬腩片呢..唔算厚切..但係一串有三大塊..肥瘦均勻..係五層豬腩肉嚟嘅..醬汁味都好香濃..值得一試
🤫 最後蟹籽沙律..味道正常好味..份量多都幾抵食..食咗咁多熱氣嘢梗係要食返啲蔬菜幫補吓啦..然後燒粟米..燒得啱啱好..微甜..都OK嘅..鹽燒雞軟骨份量亦都係好多㗎..但係炸粉就偏厚身..食晒成碟雞軟骨都幾飽肚㗎🤭
🤫 總括嚟講呢..我就覺得Asa係屬於一間中價嘅居酒屋..地方雖然唔算太大..但係乾淨企理而且都幾舒服..侍應哥哥姐姐嘅服務都唔錯..大部份嘢食味道都中上..下次想食一啲中價位嘅居酒屋可以揀Asa
。。
翻兜指數：🙆🏻♀️🙆🏻♀️ （5個🙆🏻♀️為翻兜爆燈）
。。
张贴
