影片
更多
2025-04-23
217 浏览
有一日經過一間餐廳，見到門口有個仙女喺度彈古箏，睇咗一陣準備入去，點知爆咗場。所以今晚就訂定檯返嚟。仙女果然唔係浪得虛名，呢度入面包括裝修同埋食品，都真係做到詩情畫意。 🍖首先係山藥蓉做成雷峰塔形狀嘅前菜，加淡淡嘅綠茶醬，彷彿系從呢一度成為入口，開始呢個清新之旅。然後陳皮菜甫頭老鴨湯，鴨湯清澈得嚟唔帶油，而且非常暖身，系冬天嘅恩物。仲有熗伴冰菜，冰菜本身係好爽，個醬汁令外面變得柔軟而且入味，但係再咬深啲，爽脆口感依然。以上三種感覺都好似有被自然氣息嘅包圍。 🍖然後系另外兩種另類嘅清新。首先係蔥香脆皮烤鴨，烤鴨一向相對比烤雞冇咁肥膩，而且鴨肉會比較結實，配合薄而炸得香脆嘅外皮，食落特別香。然後呢種香，再俾墊喺底度，超多嘅蔥油同埋xo醬倍數咁放大，可以話系齒頰留香嘅代表。最後一款就唔係人人鍾意，但我就最鍾意，尖椒臭豆腐，喺上面講嘅咁多種清新清香感覺之下，竟然有一碟餸，睇落清淡，聞落冇咩味，食落臭到冤嘅餸菜。呢種臭，好比香港傳統嘅臭豆腐，令人慾罷不能，加上肉碎同辣椒調味，我封佢做全場總冠軍嘅餸菜。 🍖最後食甜品，茶香奶凍，我個人覺得佢應該改名叫做茶香奶熱，個奶凍唔係凍嘅，唔係暖嘅，係熱嘅。因
🍖首先係山藥蓉做成雷峰塔形狀嘅前菜，加淡淡嘅綠茶醬，彷彿系從呢一度成為入口，開始呢個清新之旅。然後陳皮菜甫頭老鴨湯，鴨湯清澈得嚟唔帶油，而且非常暖身，系冬天嘅恩物。仲有熗伴冰菜，冰菜本身係好爽，個醬汁令外面變得柔軟而且入味，但係再咬深啲，爽脆口感依然。以上三種感覺都好似有被自然氣息嘅包圍。
🍖然後系另外兩種另類嘅清新。首先係蔥香脆皮烤鴨，烤鴨一向相對比烤雞冇咁肥膩，而且鴨肉會比較結實，配合薄而炸得香脆嘅外皮，食落特別香。然後呢種香，再俾墊喺底度，超多嘅蔥油同埋xo醬倍數咁放大，可以話系齒頰留香嘅代表。最後一款就唔係人人鍾意，但我就最鍾意，尖椒臭豆腐，喺上面講嘅咁多種清新清香感覺之下，竟然有一碟餸，睇落清淡，聞落冇咩味，食落臭到冤嘅餸菜。呢種臭，好比香港傳統嘅臭豆腐，令人慾罷不能，加上肉碎同辣椒調味，我封佢做全場總冠軍嘅餸菜。
🍖最後食甜品，茶香奶凍，我個人覺得佢應該改名叫做茶香奶熱，個奶凍唔係凍嘅，唔係暖嘅，係熱嘅。因此，嗰個茶嘅香味同奶凍嘅豐盈質地特別出眾。簡直同個陳皮鴨湯相映成趣。冇諗過隨便叫嘅一個甜品，會出色到呢個點！
张贴
