影片
开饭介绍
2004年于西湖龙井茶园创立的「绿茶青年旅社」，陆续发展超过400间分店，特意邀请米芝莲及黑珍珠名厨为香港设计一系列融合传统与创新的限定菜式，如龙井烤鸡。
继续阅读
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
有关奖赏计划
👧🏻😋👅🍽✨性价比高江浙菜🥢-🍵 装修高雅门面有翠绿龙井茶树, 虽然午市冇现场古筝表演, 但店员都著晒白色轻纱长裙好有意景😂🍵 apm同围方店平日1430-1700下午茶时段单点仲有八折劲抵（以下原价）-▪️龙井烤鸡 $138🐓 店员会先呈上全只鸡俾客人打卡, 再拎入厨房切件~ 上碟一直用龙井茶叶熏住, 无论皮肉骨都充满茶香; 烤鸡好juicy所以鸡皮唔会好脆, 但肉滑咸香搭救, 不愧为招牌名菜▫️虾汤泡饭 $88🍲 虾汤好浓郁, 冇味精饮晒成煲! 入面有少量滑滑虾肉同咸鲜虾米, 泡饭以外亦有脆米同菜粒增加口感▪️荠菜碎肉千张包 $88🫔 豆皮包住荠菜猪肉, 感觉似上汤鲜竹卷但咬开更爆汁, 而豆皮豆香都好重▫️土豆芝士塔 $22🥧 脆酥皮包住软滑芝士薯蓉, 入面有烟肉粒, 面头再挤左蛋黄酱, 食落够rich又唔腻balance
继续阅读
自从上次去食过主打江浙菜既【绿茶餐厅】觉得quality几好、今次就去左新开既apm分店食晚餐。龙井烤鸡：烤鸡皮脆肉嫩，外皮烤得金黄香脆，咬落去有少少龙井茶嘅清香，但唔算好突出。鸡肉本身调味都已经好浓郁、鸡胸都非常嫩滑。份量适中，两个人分享刚刚好。杭式片儿川：呢款系江浙地区嘅传统面食，汤底用雪菜、笋片同肉片煮成，味道鲜甜带少少酸香，几开胃。面条偏软身，类似上海粗面，汤底有少少偏油。不过系几特别。 野菜腐皮卷：豆腐干皮包住菌菇野菜等，口感爽脆清新。呢道味道非常清淡，食落唔会油腻。土豆芝士塔：外层系酥皮，入面系薯蓉混合烟肉等，薯蓉幼滑。芝士应该系上层既酱、但个人觉得唔系芝士味反而似沙律酱。喉口鲜肉包：包既外皮松软，咬开入面嘅肉馅都算多，带少少甜味，类似小笼包嘅风格。不过汁水无禁多，味道算系唔错。江南绿茶饼：全餐最出色嘅甜品！外皮炸得香脆，表面洒满芝麻，咬开入面系芋泥馅，甜度适中，绿茶味清香搭配芋泥唔会太腻。热辣辣上枱时食最好味。
继续阅读
江浙菜过江龙整体定价唔高所以人山人海，晚餐收工时间超多人等位🫨 餐厅装修都几有心思 好多中式元素例如山水画、竹叶等🎍 值得试下据说还原经典中菜既葱香脆皮烤鸭($128) 鸭肉唔会烤得过干 旁边有巨多葱油 夹埋一齐食香气十足 同一般烤鸭风味唔同🦆 凉菜方面 呢款三色烧椒杭茄($58)完全系估佢唔到咁出色 茄子已经抽成丝咁绵滑 好似西餐他他咁放系底 面个层铺左三款三色剁椒碎 绿色黄色偏酸甜 而红色就香辣型 又清新又惹味🍆 另外凉菜仲试左炝伴冰草($48) 微酸口感爽脆 好开胃～ 而其他主菜例如黑醋脆皮牛腩($118)唔算常见 都值得一试 虽然睇份量就相对冇其他菜式性价比咁高🎋
继续阅读
食开铜锣湾店，见apm新开就试吓，点知食物味道及服务都差, 以后请我都唔会再去！叫咗：-南乳醉鲍鱼：鲍鱼完全冇调味，好似食紧塑胶，好难食，南乳汁更加水泥泥完全冇酒香味！-鲜果糖醋九肚鱼：哗唔好咁啦，同menu张相差十丈远，粉酱仲厚过维园球场块地皮，离哂谱！-黑松露牛肉炒饭：平时食开铜锣湾N次都可以叫走黑松露，呢度十分唔愿意做，做好咗出嚟话师傅 唔记得走黑松露，问我介唔介意照食，大佬呀梗系介意啦，唔系驶鬼叫你特别做咩，跟住又话再做过要等好耐， OK照等。好啦，整好咗摆喺你面前，跟住个侍应竟然同我讲，呢个系特别order只系做呢一次以后唔会做，我的天啊这是什么服务态度！好似我欠咗你债咁！-炒菜芯：好硬！-龙井烤鸡：正常是次体验非常失望，以后唔会帮衬！
继续阅读
有一日经过一间餐厅，见到门口有个仙女喺度弹古筝，睇咗一阵准备入去，点知爆咗场。所以今晚就订定台返嚟。仙女果然唔系浪得虚名，呢度入面包括装修同埋食品，都真系做到诗情画意。 🍖首先系山药蓉做成雷峰塔形状嘅前菜，加淡淡嘅绿茶酱，彷佛系从呢一度成为入口，开始呢个清新之旅。然后陈皮菜甫头老鸭汤，鸭汤清澈得嚟唔带油，而且非常暖身，系冬天嘅恩物。仲有炝伴冰菜，冰菜本身系好爽，个酱汁令外面变得柔软而且入味，但系再咬深啲，爽脆口感依然。以上三种感觉都好似有被自然气息嘅包围。 🍖然后系另外两种另类嘅清新。首先系葱香脆皮烤鸭，烤鸭一向相对比烤鸡冇咁肥腻，而且鸭肉会比较结实，配合薄而炸得香脆嘅外皮，食落特别香。然后呢种香，再俾垫喺底度，超多嘅葱油同埋xo酱倍数咁放大，可以话系齿颊留香嘅代表。最后一款就唔系人人钟意，但我就最钟意，尖椒臭豆腐，喺上面讲嘅咁多种清新清香感觉之下，竟然有一碟𩠌，睇落清淡，闻落冇咩味，食落臭到冤嘅𩠌菜。呢种臭，好比香港传统嘅臭豆腐，令人欲罢不能，加上肉碎同辣椒调味，我封佢做全场总冠军嘅𩠌菜。 🍖最后食甜品，茶香奶冻，我个人觉得佢应该改名叫做茶香奶热，个奶冻唔系冻嘅，唔系暖嘅，系热嘅。因此，𠮶个茶嘅香味同奶冻嘅丰盈质地特别出众。简直同个陈皮鸭汤相映成趣。冇谂过随便叫嘅一个甜品，会出色到呢个点！
继续阅读